ក្រុមហ៊ុន Tesla ចាប់ផ្តើមបញ្ឈប់កម្មករមួយចំនួននៅរោងចក្រចិន

បរទេស៖ នេះបើតាមសារព័ត៌មាន Bloomberg បានរាយការណ៍កាលពីថ្ងៃសុក្រ ដោយដកស្រង់សម្តីពីមនុស្សដែលដឹងពីបញ្ហាថា ក្រុមហ៊ុនផលិតរថយន្តអគ្គិសនី Tesla Inc (TSLA.O) កំពុងបញ្ឈប់បុគ្គលិកផលិតអាគុយមួយចំនួននៅរោងចក្រសៀងហៃរបស់ខ្លួន។
វាមិនច្បាស់ទេថា តើមានកម្មករប៉ុន្មាននាក់ អាចត្រូវបានដោះលែង ឬហេតុផលជាក់លាក់នៅពីក្រោយការបញ្ឈប់ការងារនេះបើយោងតាមរបាយការណ៍។

Tesla មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។

ការបញ្ឈប់ការងារនេះត្រូវបានរាយការណ៍ជាលើកដំបូងដោយវិបផតថលព័ត៌មានអនឡាញក្នុងស្រុកមួយឈ្មោះថា Deep Analysis កាលពីថ្ងៃព្រហស្បតិ៍ ដោយបានបញ្ជាក់ថា កម្មករតិចជាង ១,០០០នាក់ត្រូវបានជួលនៅលើខ្សែសង្វាក់ផលិតកម្មថ្មពីររបស់រោងចក្រ។

រោងចក្រ Gigafactory Shanghai របស់ក្រុមហ៊ុន Tesla ដែលជារោងចក្រធំបំផុត និងផលិតភាពបំផុតរបស់ខ្លួន មានបុគ្គលិកប្រហែល ២០,០០០នាក់ រួមទាំងអ្នកដែលកំពុងសាងសង់ Model Y និង Model ៣ ផងដែរ។

ប្រភព៖ Reuters

ប្រែសម្រួលដោយ៖ {ឡាយ លីហួ}