កម្លាំងជំនាញស៊ីម៉ាក់កម្ពុជា បញ្ចប់ការហ្វឹកហ្វឺនជំនាញបោសសម្អាតមីន ដល់មន្ត្រីជំនាញអ៊ុយក្រែនដោយជោគជ័យ
ភ្នំពេញ៖ ឯកឧត្ដម ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC-ស៊ីម៉ាក់) បានថ្លែងថា កម្លាំងជំនាញអង្គភាពស៊ីម៉ាក់របស់កម្ពុជា បានបញ្ចប់ការហ្វឹកហ្វឺនជំនាញបោសសម្អាតមីនមនុស្សធម៌ ដល់មន្ត្រីជំនាញសកម្មភាពមីនរបស់អ៊ុយក្រែន នៅប្រទេសប៉ូឡូញដោយជោជ័យ ។
តាមរយៈបណ្ដាញសង្គមហ្វេសប៊ុកនាថ្ងៃទី១១ កក្កដា ឯកឧត្ដម ហេង រតនា បានមានប្រសាសន៍ថា «កម្លាំងជំនាញអង្គភាពស៊ីម៉ាក់បានផ្តល់ការហ្វឹកហ្វឺនជំនាញសកម្មភាពមីនមនុស្សធម៌ជូនមន្ត្រីជំនាញសកម្មភាពមីនរបស់ប្រទេសអ៊ុយក្រែនមកពីអង្គភាពផ្តល់សេវាកម្មក្នុងគ្រាអាសន្ន(SESU) កាលពីថ្ងៃទី៥-៩ ខែកក្កដា ឆ្នាំ២០២៣នៅប្រទេសប៉ូឡូញ។ វគ្គហ្វឹកហ្វឺននេះបានដំណើរដោយជោគជ័យនិងបានវិលត្រឡប់មកមាតុភូមិវិញដោយសុវត្ថិភាព» ។
សូមបញ្ជាក់ថា វគ្គហ្វឹកហ្វឺននេះអាចដំណើការទៅបាន ដោយមានការសម្របសម្រួល ពីរដ្ឋាភិបាលជប៉ុនតាមរយៈទីភ្នាក់កិច្ចសហប្រតិបតិ្តការអន្តរជាតិ (JICA) និងទទួលបានការអនុញ្ញាតិដ៍ខ្ពង់ខ្ពស់បំផុត ពីសម្តេចតេជោប្រមុខរាជរដ្ឋាភិបាល ៕
