ឯកឧត្តម លី ច័ន្ទតុលា ប្រធានក្រុមការងារថ្នាក់កណ្តាលចុះជួយសង្កាត់វាលពង់ និងលោកជំទាវ ឈីវ ភិរម្យ បន្តចាត់តាំងក្រុមការងារចុះសំណេះសំណាលសួរសុខទុក្ខជាមួយប្រជាពលរដ្ឋតាមខ្នងផ្ទះបានចំនួន ៩ភូមិ

ភ្នំពេញ៖ រសៀលនៅថ្ងៃទី១២ ខែកក្កដា ឆ្នាំ២០២៣ ឯកឧត្តម លី ច័ន្ទតុលា ប្រធានក្រុមការងារថ្នាក់កណ្តាលចុះជួយសង្កាត់វាលពង់ និងលោកជំទាវ ឈីវ ភិរម្យ នៅតែបន្តចាត់តាំងក្រុមការងារបន្តចុះសំណេះសំណាលសួរសុខទុក្ខជាមួយប្រជាពលរដ្ឋតាមខ្នងផ្ទះបានចំនួន ០៩ភូមិ រួមមានភូមិវាលពង់ ចំនួន១០៥នាក់ ភូមិសូវង្សក្រោម ចំនួន១១នាក់ ភូមិត្រពាំងក្អែក ចំនួន៨៣នាក់ ភូមិព្រៃទទឹង ចំនួន១០៣នាក់ ភូមិសាមគ្គីភាព ចំនួន២០នាក់ ភូមិដំណាក់ស្មាច់ ចំនួន៣៨នាក់ ភូមិបូរីរម្យ ចំនួន៨៤នាក់ ភូមិខ្នុរអំពិល ចំនួន៨០នាក់ និងភូមិព្រៃច្រាបកើតចំនួន៣៣នាក់ ក្នុងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ សរុបចំនួន ៥៥៧នាក់។

ក្រុមការងារនៅតែបន្តសកម្មភាពដើរតាមខ្នងផ្ទះចាប់ពីពេលរសៀល រហូតដល់ពេលយប់ ដែលមានគោលបំណនៃការជួបដូចខាងក្រោម៖

១.ការផ្សព្វផ្សាយពីគោលនយោបាយរបស់គណបក្សប្រជាជនកម្ពុជា ។

២.ជម្រាបប្រាប់ប្រជាពលរដ្ឋពីការគូសលើសន្លឹកឆ្នោតឲ្យបានត្រឹមត្រូវ ជៀសវៀងធ្វើឲ្យសន្លឹកឆ្នោតដ៏មានតម្លៃក្លាយជាសន្លឹកឆ្នោតឥតបានការនៅថ្ងៃបោះឆ្នោត ។

៣.ជម្រាបប្រាប់ប្រជាពលរដ្ឋពីលេខរៀង ក៏ដូចជានិមិត្តសញ្ញារបស់គណបក្សប្រជាជនកម្ពុជាលើសន្លឹកឆ្នោតដែលមានលេខរៀងទី១៨ ។

៤.សូមឲ្យប្រជាពលរដ្ឋទាំងអស់ទៅបោះឆ្នោតជ្រេីសតាំងតំណាងរាស្រ្តនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣៕