លោកជំទាវ មិថុនា ភូថង ជួបសំណេះសំណាលឃោសនាបោះឆ្នោត ជាមួយសមាជិកសមាជិកាគណបក្សនិងប្រជាពលរដ្ឋ នៅឃុំប្រឡាយ ស្រុកថ្មបាំង

ភ្នំពេញ៖ លោកជំទាវ មិថុនា ភូថង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខេត្តកោះកុង នៅថ្ងៃទី១៥ ខែកក្កដា ឆ្នាំ២០២៣ បានអញ្ជើញបន្តចុះជួបសំណេះសំណាលឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ជាមួយសមាជិកសមាជិកាគណបក្ស និងប្រជាពលរដ្ឋ នៅឃុំប្រឡាយ ស្រុកថ្មបាំង ខេត្តកោះកុង។ ដោយមានការអញ្ជើញចូលរួមពីសំណាក់ ឯកឧត្តម កាយ សំរួម សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈប្រចាំការអចិន្ត្រៃយ៍គណបក្សខេត្ត ថ្នាក់ដឹកនាំគណបក្សខេត្ត ស្រុក បេក្ខជនតំណាងរាស្ត្រពេញសិទ្ធនិងបម្រុង នីតិកាលទី៧ មណ្ឌលខេត្តកោះកុង រួមនឹងសមាជិក សមាជិកាគណបក្សនិងប្រជាពលរដ្ឋយ៉ាងច្រើនកុះករ ៕