ឯកឧត្តម ជា ប៉ោ ដឹកនាំសមាជិក សមាជិកាគណបក្សប្រជាជនកម្ពុជាឃុំស្វាយរំពារ ហែរយុទ្ធនាការឃោសនាលេីកទី៣ នៅគ្រប់ទាំង១៤ភូមិ នៃឃុំស្វាយរំពារ
ភ្នំពេញ៖ ឯកឧត្តម ជា ប៉ោ ប្រធានក្រុមការងារគណបក្សចុះមូលដ្ឋានឃុំស្វាយរំពារ ស្រុកបសេដ្ឋ ខេត្តកំពង់ស្ពឺ រួមជាមួយឯកឧត្តម ទា ផលា ឯកឧត្តម ទេព ណាវុធ អនុប្រធាន និងសមាជិក សមាជិកាក្រុមការងារគណបក្សចុះមូលដ្ឋានឃុំ នាព្រឹកថ្ងៃទី១៦ ខែកក្កដា ឆ្នាំ២០២៣ បានអញ្ជើញដឹកនាំសមាជិក សមាជិកាគណបក្សប្រជាជនកម្ពុជាឃុំស្វាយរំពារ ហែរយុទ្ធនាការឃោសនាលេីកទី៣ នៅគ្រប់ទាំង១៤ភូមិ នៃឃុំស្វាយរំពារ ដើម្បីស្វែងរកសម្លេងឆ្នោតជូនគណបក្សប្រជាជន។
ក្នុងការចុះនេះផ្តោតសំខាន់លេី៖ ទី១.ឯកសារសម្រាប់តម្រូវការបោះឆ្នោត, ទី២.ការគូសន្លឹកឆ្នោតឲ្យបានត្រឹមត្រូវ, និងទី៣.ហាមពាក់អាវគណបក្សទៅបោះឆ្នោត ហើយពេលវេលាបោះឆ្នោត ពីម៉ោង ៧ព្រឹក ដល់ម៉ោង ៣រសៀល។
បន្ទាប់មកឯកឧត្តម ជា ប៉ោ បានណែនាំដល់ក្រុមការងារភូមិថា ចំពោះអ្នកងងឹតភ្នែក សូមឲ្យក្រុមចលនាបោះឆ្នោតភូមិ ចាត់ចែងរកសាច់ញាតិជំនួយ និងចាស់ជរា រកអ្នកដឹកជញ្ជូនគាត់ ដេីម្បីទៅបោះឆ្នោត ៕
