សម្តេច ទៀ បាញ់៖ ក្នុងរយៈពេល៩៦ឆ្នាំកន្លងមកនេះ កងទ័ពរំដោះប្រជាជនចិន បានប្រឈមមុខ និងជម្នះនូវឧបសគ្គជាច្រើន

ភ្នំពេញ៖ តាមរយៈគណនីហ្វេសប៊ុក សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាយប់ថ្ងៃទី៣១ ខែកក្កដា ឆ្នាំ២០២៣ បានបញ្ជាក់ថា «នៅក្នុងរយៈពេល៩៦ឆ្នាំកន្លងមកនេះ កងទ័ពរំដោះប្រជាជនចិន បានប្រឈមមុខ និងជម្នះនូវឧបសគ្គជាច្រើន ហើយទីបំផុត សម្រាប់យុគសម័យថ្មីបាននាំមកនូវវឌ្ឍនភាពផ្នែកវិទ្យាសាស្ត្រ និងបច្ចេកវិទ្យាទំនើបគួរឱ្យកោតស្ញប់ស្ញែងលើគ្រប់វិស័យទាំង កងទ័ពជើងគោក ជើងទឹក និងជើង អាកាស។ វឌ្ឍនភាពនេះ សំដៅការពារជាតិ មាតុភូមិ អធិបតេយ្យភាព ទឹកដីឯករាជ្យ ជាតិ និងសន្តិសុខជាតិ បានធ្វើឱ្យកាន់តែស៊ីជម្រៅនូវទំនាក់ទំនងយ៉ាងជិតស្និទ្ធ និងកិច្ចសហប្រតិបត្តិការដ៏រឹងមាំ រវាងកងទ័ពប្រជាជនប្រទេសទាំងពីរ កម្ពុជា- ចិន» ៕