ឯកឧត្តម ឈួរ សុបញ្ញា នាំយកទៀនវស្សា សំពត់សាដក់ និងបច្ច័យរបស់សម្តេច ហេង សំរិន ជូនដល់វត្តចំនួន០៧ ក្នុងឃុំក្រែក ស្រុកពញាក្រែក
ភ្នំពេញ៖ ឯកឧត្តម ឈួរ សុបញ្ញា ប្រធានក្រុមការងារគណបក្សប្រជាជនកម្ពុជាចុះជួយឃុំក្រែក ស្រុកពញាក្រែក ខេត្តត្បូងឃ្មុំ សហការជាមួយគណ:កម្មាធិការគណបក្សឃុំក្រែក នារសៀលថ្ងៃសៅរ៍ ០៤រោច ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៥ ខែសីហា ឆ្នាំ២០២៣ បានបន្តនាំយកទៀនវស្សា សំពត់សាដក់ និងបច្ច័យរបស់សម្តេចអគ្គមហាពញាចក្រី ហេង សំរិន ប្រគេនដល់ព្រះសង្ឃគង់ចាំវស្សាក្នុងពុទ្ធសីមាវត្ត៤៥ វត្តសិរីសុខា វត្តក្រែក វត្តព្រៃទទឹង វត្តព្រឹត វត្តជីមាន់ និងវត្តសមាធិ ដោយក្នុងមួយវត្តទទួលបាន៖ ទៀនវស្សាចំនួន ១គូ បច្ច័យ ១,១៧០,០០០រៀល និងសំពត់សាដក់ចំនួន ១កញ្ចប់ ៕
