ឧត្ដមសេនីយ៍ទោ មៀច សាមុត អញ្ជើញផ្សព្វផ្សាយរៀនសូត្រអប់រំចិត្តសាស្ត្រ ដល់នាយទាហាន នាយទាហានរង និងពលទាហាន នៅទីបញ្ជាការវរសេនាតូចអន្តរាគមន៍២៨៤

ភ្នំពេញ៖ លោកឧត្ដមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ នាព្រឹកថ្ងៃទី១១ ខែសីហា ឆ្នាំ២០២៣ បានអញ្ជើញជាអធិបតីក្នុងពិធីផ្សព្វផ្សាយរៀនសូត្រអប់រំចិត្តសាស្ត្រ ដល់នាយទាហាន នាយទាហានរង និងពលទាហាន នៅទីបញ្ជាការវរសេនាតូចអន្តរាគមន៍២៨៤ កងពលតូចអន្តរាគមន៍លេខ១២៨ យោធភូមិភាគទី១។

នាឱកាសនេះ ឧត្ដមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ បានផ្សព្វផ្សាយសភាពការណ៍ថ្មីៗ នៅក្នុងប្រទេស និងមានប្រសាសន៍ផ្ដាំផ្ញើមួយចំនួនដែលជាកត្តាចាំបាច់ដែលធ្វើឲ្យការងារប្រចាំថ្ងៃរបស់យើងជោគជ័យ គឺត្រូវមានសាមគ្គីភាព ឯកភាពផ្ទៃក្នុង និងលក្ខការណ៍ខ្ពស់, មេបញ្ជាការគ្រប់អង្គភាពត្រូវមានគោលការណ៍ ចក្ខុវិស័យច្បាស់លាស់ និងត្រូវរៀបចំផែនការសម្រាប់យោធិនក្រោមឱវាទអនុវត្តប្រចាំថ្ងៃ (ការងារកសាង, បង្កបង្កើនផលចិញ្ជឹមសត្វ, ហ្វឹកហ្វឺនរៀនសូត្រ យុទ្ធដំណើរកងទ័ព តាមផែនការប្រចាំសប្តាហ៍ និងចាត់តាំងល្បាតក្នុងភូមិសាស្ត្រ, សំអាតអនាម័យក្នុងជំវិញកន្លែងធ្វើការងារ ស្នាក់នៅ ផ្ទះបាយ អោយបានស្អាត។ល។) និងត្រូវអនុវត្តន៍នូវលក្ខខ័ន្ទិកទូទៅរបស់កងយោធពលខេមរភូមិន្ទ ៕