នគរបាលឃាត់ខ្លួនជនសង្ស័យ ០៣នាក់ ពីបទ ប្រើប្រាស់រក្សាទុកនូវសារធាតុញៀនខុសច្បាប់

កោះកុង៖ ក្រោមការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង នៅថ្ងៃទី ១៩ ខែសីហា ឆ្នាំ ២០២៣ វេលាម៉ោង ០១និង៣០នាទី កម្លាំងអធិការដ្ឋាន និងកម្លាំងប៉ុស្តិ៍នគរបាលរដ្ឋបាលប៉ាក់ខ្លង បានធ្វើការឃាត់ខ្លួនជនសង្ស័យចំនួន ៣នាក់ នៅចំណុចប្រមូលផលនេសាទ ភូមិនាងកុក ឃុំប៉ាក់ខ្លង ស្រុកមណ្ឌលសីមា ពីបទប្រើប្រាស់រក្សាទុក នូវសារធាតុញៀនខុសច្បាប់។

នគរបាលបានឲ្យដឹងថា ជនសង្ស័យចំនួន ៣នាក់រួមមាន៖
១.ឈ្មោះ សារ៉ាត ចាន់សំណាង ភេទប្រុស អាយុ ១៨ឆ្នាំ ទីលំនៅភូមិ៣ សង្កាត់ដងទង់ ក្រុងខេមរភូមិន្ទ ខេត្តកោះកុង។
២.ឈ្មោះ ឃុត វុតថៃ ភេទ ប្រុស អាយុ ១៩ឆ្នាំ មានទីលំនៅភូមិ បឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ។
៣.ឈ្មោះ មុយ អេងគាវ ភេទប្រុស អាយុ ៣០ឆ្នាំ មានទីលំនៅភូមិ បឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ។

វត្ថុតាងដកហូតរួមមាន៖
– ម្សៅក្រាមពណ៌សថ្លា សង្ស័យសារធាតុញៀនចំនួន ០៧កញ្ចប់តូច
– ម៉ូតូ១គ្រឿង ម៉ាកហុងដា(អីសង់ទ័រ)
– ទូរសព្ទដៃ ១គ្រឿងម៉ាក(VIVO)។

បច្ចុប្បន្នជនសង្ស័យ កំពុងកសាងសំណុំរឿងបញ្ជូនទៅផែនការងារប្រឆាំងគ្រឿងញៀន ចាត់ការបន្ត ៕