សមត្ថកិច្ចឃាត់ខ្លួនជនជាតិថៃ២នាក់ រឹបអូសថ្នាំញៀន ១១៨គីឡូក្រាម
ភ្នំពេញ៖ សមត្ថកិច្ចបានធ្វើការឃាត់ខ្លួនឧក្រិដ្ឋជនជនជាតិថៃ២នាក់ និងថ្នាំញៀន ១១៨គីឡូក្រាម នៅថ្ងៃទី២១ ខែសីហា ឆ្នាំ២០២៣ នៅចំនួន៣ គោលដៅផ្សេងៗគ្នា។
មន្ត្រីនគរបាលជាន់ខ្ពស់មន្ទីរប្រឆាំងបទល្មើសគ្រឿងញៀន បានអោយដឹងថា ដោយមានការសម្របសម្រួលពីលោក វង្ស សាវ៉ាត ព្រះរាជអាជ្ញារងអមសាលាដំបូងរាជធានីភ្នំពេញ ថ្ងៃទី២១ ខែសីហា ឆ្នាំ២០២៣ វេលាម៉ោង១២៖២០នាទីយប់ កម្លាំងជំនាញនៃមន្ទីរប្រឆាំងគ្រឿងញៀន និងការិយាល័យផ្សព្វផ្សាយអប់រំ (ក៩) បានចុះស្រាវជ្រាវស៊ើបអង្កេត រហូត ឈា ន ទៅបង្ក្រាបករណីរក្សាទុក និងដឹកជញ្ជូន គ្រឿងញៀនដោយខុសច្បាប់គ្នា០៣គោលដៅក្នុងរាជធានីភ្នំពេញ។
គោលដៅទី១៖ នៅចំណុចផ្លូវលំ ភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។ គោលដៅទី២៖ នៅចំណុចផ្ទះលេខ៣៥០ ផ្លូវបេតុង ភូមិក្រាំងដូនតី សង្កាត់ចោមចៅ២ ខណ្ឌពោធិ៍ជ័យ រាជធានីភ្នំពេញ និង គោលដៅទី៣៖ នៅចំណុចផ្ទះលេខ២BC ផ្លូវ១០៧ ភូមិភូមិក្បាលដំរី សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។
ជាលទ្ធផលកម្លាំងជំនាញឃាត់ខ្លួនជនសង្ស័យចំនួន ២នាក់៖ ១ ឈ្មោះ ស៊ែហឺរ ថាណាត់ ភេទប្រុស អាយុ២៩ឆ្នាំ ជនជាតិ ថៃ និងឈ្មោះ ស៊ែហឺរ សោមឆាយ ភេទប្រុស អាយុ៣២ឆ្នាំ ជនជាតិថៃ, ក្នុងនោះសមត្ថកិច្ចដកហូតថ្នាំញៀន ១-មេតំ ហ្វេតា មី ន ជាង៦៧គីឡូ និងកេតាមីន ទម្ងន់ជាង៥០គីឡូក្រាម សរុបរួមសារធាតុញៀនមានទម្ងន់ ១១៨គីឡូក្រាម។
បច្ចុប្បន្នជនសង្ស័យ ព្រមទាំងវត្ថុតាង ត្រូវបានកសាងសំណុំរឿងបញ្ជូន ទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
