នាយករដ្ឋមន្ត្រី ហ៊ុន ម៉ាណែត ស្នើឲ្យរដ្ឋមន្រ្តីដែលមានការងារចាំបាច់នូវតាមក្រសួង មិនចាំបាច់ចូលរួមជាមួយលោកគ្រប់ពេលនោះទេ

ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានស្នើឲ្យរដ្ឋមន្រ្តីដែលមានការងារចាំបាច់នូវតាមក្រសួង មិនចាំបាច់ចូលរួមជាមួយលោកគ្រប់ពេលនោះទេនេះដើម្បីប្រសិទ្ធភាពការងារ។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងដូច្នេះក្នុងឱកាសអញ្ជើញចុះជួបសំណេះ សំណាលជាមួយបងប្អូនកម្មករ និយោជិត តាមរោងចក្រ សហគ្រាស នៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល នាព្រឹកថ្ងៃទី០១ ខែកញ្ញា ឆ្នាំ២០២៣។

ឯកឧត្តមកិត្តិទេសាភិបាលបណ្ឌិត ថ្លែងថា «ដើម្បីប្រសិទ្ធភាព ថ្ងៃក្រោយសុំឱ្យមន្ត្រីដែលមានកិច្ចការចាំបាច់ ឬកិច្ចប្រជុំនៅតាមក្រសួងមិនបាច់ចូលរួមទេ ព្រោះយើងកំពុងតែធ្វើការវិលជុំ។ ដូចនេះបើមានការចាំបាច់ អាចចាត់រដ្ឋលេខាធិការប្រចាំការ ឬរដ្ឋលេខាណាមួយចូលរួមដើ ម្បីបានក្ដាប់នូវការងារ ហើយត្រៀមឆ្លើយផង បើសិនជាខ្ញុំមានសំណួរ» ៕