ឯកឧត្តមបណ្ឌិត ហេង សុផាន់ណារិទ្ធ ដឹកនាំមន្ត្រីជំនាញ ប.ស.ស. ចូលរួមកិច្ចប្រជុំពិភាក្សាស្តីពី ការអភិវឌ្ឍក្របខណ្ឌគ្រប់គ្រងហានិភ័យនៃប្រព័ន្ធសន្តិសុខសង្គមនៅកម្ពុជា
ភ្នំពេញ៖ បន្ទាប់ពីសិក្ខាសាលាពិគ្រោះយោបល់ស្តីពី ការអភិវឌ្ឍក្របខណ្ឌគ្រប់គ្រងហានិភ័យនៃប្រព័ន្ធសន្តិសុខសង្គមនៅកម្ពុជា កាលពីថ្ងៃពុធ ទី៣០ ខែសីហា ឆ្នាំ២០២៣ រួចមកហើយនោះ ឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. បានបន្តដឹកនាំមន្ត្រីជំនាញ ប.ស.ស. ចូលរួមប្រជុំពិភាក្សាបន្តជាមួយអង្គការអន្តរជាតិខាងការងារ (ILO) នាព្រឹកថ្ងៃទី១ ខែកញ្ញា ឆ្នាំ២០២៣ នេះ ។
កិច្ចប្រជុំពិភាក្សាក្នុងថ្ងៃនេះ ធ្វើការពិនិត្យឡើងវិញលើធាតុចូល និង អនុសាសន៍លើហានិភ័យដែលបានរកឃើញនៅក្នុងសិក្ខាសាលាព្រមទាំងពិភាក្សាលើការកំណត់ផែនការការងារសម្រាប់ជំហានបន្ទាប់។
សូមបញ្ជាក់ថា កិច្ចប្រជុំខាងលើ ត្រូវបានរៀបចំដោយផ្ទាល់នៅទីស្នាក់ការកណ្ដាល ប.ស.ស. ដោយមានវត្តមានអញ្ជើញចូលរួមពីតំណាងអង្គការអន្តរជាតិខាងការងារ (ILO), ទីប្រឹក្សាគម្រោង, និងថ្នាក់ដឹកនាំ ប.ស.ស. សរុប ១៧រូប៕
