រដ្ឋមន្ត្រីក្រសួងសង្គមកិច្ច អញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីតួនាទី និងភារកិច្ចរបស់អគ្គនាយកដ្ឋានគោលនយោបាយ
ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នារសៀលថ្ងៃចន្ទ ទី៤ ខែកញ្ញា ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីតួនាទី និងភារកិច្ចរបស់អគ្គនាយកដ្ឋានគោលនយោបាយ នៅទីស្តីការក្រសួង។
អគ្គនាយកដ្ឋានគោលនយោបាយ មានតួនាទីនិងភារកិច្ច៖
១.ដឹកនាំ គ្រប់គ្រង សម្របសម្រួល និងជំរុញការកសាង ហេដ្ឋារចនាសម្ព័ន្ធគាំទ្រដល់ការអភិវឌ្ឍវិស័យសង្គមកិច្ច និងសង្គមឌីជីថលកម្ពុជា
២.រៀបចំកសាង ឬធ្វើវិសោធនកម្មច្បាប់ គោលនយោបាយ យុទ្ធសាស្ត្រ បទដ្ឋានឬគោលការណ៍ណែនាំ និងកំណត់ ទិសដៅអភិវឌ្ឍវិស័យសង្គមកិច្ច និងសង្គមឌីជីថលកម្ពុជា តាមដំណាក់កាលនីមួយៗ
៣.ដឹកនាំ គ្រប់គ្រង សម្របសម្រួល និងជំរុញការកសាង ហេដ្ឋារចនាសម្ព័ន្ធគាំទ្រដល់ការអភិវឌ្ឍវិស័យសង្គមកិច្ច និងសង្គមឌីជីថលកម្ពុជា
៤.រៀបចំកសាង ឬធ្វើវិសោធនកម្មច្បាប់ គោលនយោបាយ យុទ្ធសាស្ត្រ បទដ្ឋានឬគោលការណ៍ណែនាំ និងកំណត់ទិសដៅអភិវឌ្ឍវិស័យសង្គមកិច្ច និងសង្គមឌីជីថលកម្ពុជា តាមដំណាក់កាលនីមួយៗ
៥.ជំរុញ លើកទឹកចិត្ត និងផ្សព្វផ្សាយច្បាប់ គោលនយោបាយ គោលការណ៍ នីតិវិធីអនុវត្តនៃប្រព័ន្ធសុខុមាលភាពសង្គម និងសង្គមឌីជីថលកម្ពុជា។
អគ្គនាយកដ្ឋានគោលនយោបាយមានមន្ត្រីសរុបចំនួន ៦២នាក់ មាននាយកដ្ឋានចំនួន៣៖ ១-នាយកដ្ឋាននីតិកម្ម និងដោះស្រាយវិវាទសង្គមកិច្ច
២-នាយកដ្ឋានតាមដាន ត្រួតពិនិត្យ និងគ្រប់គ្រងទិន្នន័យ
៣-នាយកដ្ឋានអភិឌ្ឍន៍គោលនយោបាយ។
អគ្គនាយកដ្ឋានគោលនយោបាយក៏មានគណៈកម្មាធិការ, អង្គភាពបរិវត្តកម្មឌីជីថលសង្គមកិច្ច និងក្រុមការងារបច្ចេកទេស ៕
