នគរបាលស្រុកបាណន់ ឃាត់ខ្លួនបុរស២នាក់ ករណីលួចយកទ្រព្យសម្បត្តិអ្នកដទៃ
ភ្នំពេញ៖ កាលពីថ្ងៃទី៨ខែកញ្ញាឆ្នាំ ២០២៣ ដោយអនុវត្តតាមយោបល់ដឹកនាំរបស់ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកឧត្តមសេ នីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ សំ វីរះ អធិការនគរបាល ស្រុកបាណន់ បានដឹកនាំកម្លាំងផ្នែកជំនាញនគរបាលយុត្តិធម៌និងកម្លាំងប៉ុស្តិ៍នគរបាលរដ្ឋបាលតាគ្រាម ចុះស្រាវ ជ្រាវរហូតឈានទៅធ្វើការឃាត់ខ្លួនបានបុរសចំនួន០២នាក់ក្នុងករណីលួចយកទ្រព្យសម្បត្តិអ្នកដទៃនៅក្នុងមូលដ្ឋាននិងដកហូតបានម៉ាស៊ីនមាស៊ូតសម្រាប់បូមទឹកចំនួន០១គ្រឿងម៉ូតូសង់ការ៉េ(ចាស់) ពណ៌ខ្មៅចំនួន ០១គ្រឿង និងរទេះសម្រាប់ដឹកចំនួន ០១ នាំយកមកកាន់អធិការដ្ឋាននគរបាលស្រុកដើម្បីធ្វើការសាកសួរ ស្រាវជ្រាវ។
សូមជម្រាបជូនថា កាលពីថ្ងៃទី ៧ ខែ កញ្ញាឆ្នាំ ២០២៣ វេលាម៉ោងប្រមាណ ២០និង៣០នាទី នៅចំណុចចំការ តាង៉ែន ស្ថិតនៅភូមិអូរតាញា ឃុំតាគ្រាម ស្រុកបាណន់ ខេត្តបាត់ដំបង ជនសង័្សយមិនស្គាល់អត្តសញ្ញាណបាន ធ្វើសកម្មភាពលួចយកម៉ាស៊ីនបូមទឹកដាក់ចំការរបស់ជនរងគ្រោះឈ្មោះម៉ឹក ដារ៉ូ ភេទប្រុស អាយុ ៣៩ឆ្នាំ មានទីលំនៅភូមិព្រែកមហាទេពសង្កាត់ស្វាយប៉ោ ក្រុងនិងខេត្តបាត់ដំបង ដែលនៅចំការរបស់គាត់មានឈ្មោះ សុខ នុន ភេទប្រុសអាយុ ២៤ ឆ្នាំជាអ្នកតំណាងមើលថែចំការតាង៉ែន។
ពេលដឹងថាបាត់ជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលស្រុកបាណន់ហើយឆ្លងតាម រយៈការស្រាវជ្រាវស៊ើបអង្កេតសមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួនបានតែម្តងនិងដកហូតបានសម្ភារៈដូចខាងលើ។
ពេលនេះនគរបាលស្រុកបានរៀបចំកសាងសំណុំរឿងបញ្ជូនជនសង្ស័យទាំងពីរនាក់មកកាន់ការិយាល័យជំនាញ ដើម្បីអនុវត្តបន្តតាមនីតិវិធី ច្បាប់ហើយ រីឯម៉ាស៊ីនបូមទឹកជារបស់ជនរងគ្រោះបានប្រគល់ជូនគាត់វិញ៕
