ឧត្តមសេនីយ៍ទោ ជួន ណារិន្ទ ដឹកនាំកិច្ចប្រជុំផ្សព្វផ្សាយផែនការ ស្តីពីការពង្រឹងអនុវត្តរឹតបន្តឹងច្បាប់ចរាចរណ៍ផ្លូវគោក ក្នុងក្របខណ្ឌទូទាំងប្រទេស

ភ្នំពេញ៖ ឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នារសៀលថ្ងៃទី១៥ ខែកញ្ញា ឆ្នាំ២០២៣ បានអញ្ជើញដឹកនាំកិច្ចប្រជុំផ្សព្វផ្សាយផែនការដាក់ចេញដោយអគ្គស្នងការដ្ឋាននគរបាលជាតិ ស្តីពីការពង្រឹងអនុវត្តរឹតបន្តឹងច្បាប់ចរាចរណ៍ផ្លូវគោក ក្នុងក្របខណ្ឌទូទាំងប្រទេស ដើម្បីឱ្យប្រជាពលរដ្ឋបានយល់ដឹង និងចូលរួមគោរពច្បាប់ចរាចរណ៍ផ្លូវគោក នៅស្នងការដ្ឋាននគរបាលរាជធានីភ្នំពេញ។

ក្នុងគោលបំណងដើម្បីកាត់បន្ថយអត្រាគ្រោះថ្នាក់ចរាចរណ៍ផ្លូវគោក នៅគ្រាដែលអត្រាគ្រោះថ្នាក់ចរាចរណ៍ត្រូវគេមើលឃើញថា បានកើតឡើងបង្កគ្រោះថ្នាក់ដល់អាយុជីវិត និងទ្រព្យសម្បត្តិប្រជាពលរដ្ឋគួរឱ្យព្រួយបារម្ភ។

កិច្ចប្រជុំមានការអញ្ជើញចូលរួមពី លោកស្នងការរងទទួលផែនការងារសេនាធិការ លោកស្នងការរងទទួលផែនការងារនគរបាលចរាចរណ៍សណ្តាប់ធ្នាប់សាធារណៈ លោកស្នងការរងទទួលការិយាល័យនគរបាលចរាចរណ៍ លោកនាយ-នាយរង និងនាយផ្នែក នៃការិយាល័យជំនាញចំណុះផែនការងារនគរបាលចរាចរណ៍សណ្តាប់ធ្នាប់សាធារណៈ លោកអធិការ អធិការទទួលការងារចរាចរណ៍ផ្លូវគោកទាំង១៤ខណ្ឌ និងមន្រ្តីនគរបាលពាក់ព័ន្ធមួយចំនួនទៀតផងដែរ ៕