ឧត្តមសេនីយ៍ទោ ហួត សុធី ជួបជាមួយអាជ្ញាធរមូលដ្ឋាន គាំទ្រជម្រុញ និងពង្រឹងការងារអនុវត្តការងារនគរបាលនិងសហគមន៍ នៅឃុំលំទង ស្រុកអន្លង់វែង
ភ្នំពេញ៖ កាលពីព្រឹកថ្ងៃទី២១ ខែកញ្ញា ឆ្នាំ២០២៣ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្ដរមានជ័យ បានបន្តចុះជួបជាមួយអាជ្ញាធរមូលដ្ឋាន សហគមន៍ និង ប្រជាពលរដ្ឋ គាំទ្រជម្រុញ និងពង្រឹងការងារអនុវត្តការងារនគរបាលនិងសហគមន៍ នៅឃុំលំទង ស្រុកអន្លង់វែង។
កិច្ចប្រជុំនេះ ក៏មានការអញ្ជើញចូលរួមពី ថន កុត អភិបាលរង តំណាង លោក ងួន ទ្ធីរិទ្ធ អភិបាល នៃគណៈអភិបាលស្រុកអន្លង់វែង, លោកអធិការ អធិការរង, លោកនាយ-នាយរង-មន្ត្រីប៉ុស្តិ៍, លោកមេឃុំ, ក្រុមប្រឹក្សាឃុំ, មេភូមិ អនុភូមិទាំង១៦ និងប្រជាការពារភូមិ សហគមន៍ សរុបចំនួន ១២៦នាក់ ស្រី ០៩នាក់។
ក្នុងកិច្ចប្រជុំ ដ៏មានសារៈសំខាន់នេះ លោកឧត្តមសេនីយ៍ទោ ស្នងការ ក៏បានមានប្រសាសន៍សង្គត់ធ្ងន់លើ តួនាទីភារកិច្ច ការងារនគរបាល និងសហគមន៍ ដោយផ្តោតសំខាន់លើខ្លឹមសារមួយចំនួនដូចជា៖
១-ពង្រឹងស្មារតីសហការ គ្រប់អ្នកពាក់ព័ន្ធនៅមូលដ្ឋាន។
២-លើកទឹកចិត្ត ឱ្យបង្កើនស្មារតីរួបរួមសាមគ្គីទាំងអាជ្ញាធរមូលដ្ឋាន និងប្រជាពលរដ្ឋ។
៣-ខិតខំបំរើសេវ៉ាសាធារណ:ផ្សេងៗ ប្រកបដោយការទទួលខុសត្រូវ និងមានទំនុកចិត្ត។
៤-ខិតខំស្វែងយល់ ឱ្យបានស៊ីជម្រៅ អំពីទម្រង់ទាំង៤ របស់ការងារនគរបាលនិងសហគមន៍។
៥-រួមគ្នាបង្ការទប់ស្កាត់ និងបង្រ្កាបនូវរាល់បទល្មើសគ្រប់ប្រភេទក្នុងមូលដ្ឋាន។
ជាចុងក្រោយ លោកឧត្តមសេនីយ៍ទោ ស្នងការ ក៏បានណែនាំទៅដល់កម្លាំងនគរបាលប៉ុស្តិ៍រដ្ឋបាល និងអ្នកពាក់ព័ន្ធទាំងអស់ ត្រូវចូលរួមអនុវត្តស្មារតីអង្គប្រជុំអោយមានប្រសិទ្ឋភាព ដោយទទួលខុសត្រូវ ហើយខែបន្ទាប់និងប្រជុំត្រួតពិនិត្យបន្តទៀត ៕
