ឯកឧត្តម ជិន ម៉ាលីន ដឹកនាំកិច្ចប្រជុំជាមួយថ្នាក់ដឹកនាំគ្រប់អង្គភាពចំណុះក្រសួងយុត្តិធម៌ ដើម្បីពិនិត្យ ពិភាក្សា និងប្រមូលធាតុចូលបន្ថែម លើសេចក្តីព្រាងផែនការយុទ្ធសាស្ត្រកែទម្រង់ប្រព័ន្ធយុត្តិធម៌ ២០២៣-២០៣៣
ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ និងជាប្រធានលេខាធិការដ្ឋានអចិន្ត្រៃយ៍នៃគណៈកម្មាធិការដឹកនាំការកែទម្រង់ច្បាប់ និងប្រព័ន្ធយុត្តិធម៌ នារសៀលថ្ងៃអង្គារ ១២កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកញ្ញា ឆ្នាំ២០២៣ បានដឹកនាំកិច្ចប្រជុំជាមួយថ្នាក់ដឹកនាំគ្រប់អង្គភាពចំណុះក្រសួងយុត្តិធម៌ ដើម្បីពិនិត្យ ពិភាក្សា លើឯកសារសេចក្តីព្រាងផែនការយុទ្ធសាស្ត្រកែទម្រង់ប្រព័ន្ធយុត្តិធម៌ ២០២៣-២០៣៣ និងប្រមូលធាតុចូលបន្ថែម លើការរៀបចំតារាងសកម្មភាពនិងសូចនាករលំអិត សម្រាប់អនុវត្តផែនការយុទ្ធសាស្រ្តនេះ ដើម្បីដាក់ជូនពិនិត្យនិងពិភាក្សាបន្ត ក្នុងអង្គវិបស្សនារួម ដែលនឹងដឹកនាំដោយ ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ នាពេលខាងមុខ ៕
