ស្នងការនគរបាលខេត្តមណ្ឌលគិរី បើកកិច្ចប្រជុំដាក់ផែនការការងារចាំបាច់មួយចំនួន នៅតាមបណ្តាការិយាល័យជំនាញ
ភ្នំពេញ៖ លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី នារសៀលថ្ងៃអង្គារ ១២កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី២៥ ខែកញ្ញា ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំពង្រឹងការងារទៅតាមបណ្តាការិយាល័យ ជំនាញទាំងអស់ក្នុងស្នងការដ្ឋាននគរបាលខេត្ត។
កិច្ចប្រជុំនេះមានការអញ្ជើញចូលរួមពីលោក លោកស្រីស្នងការរងលោកនាយការិយល័យជំនាញពាក់ព័ន្ននានាក្នុងស្នងការដ្ឋាននគរបាលខេត្ត។
ជាកិច្ចចាប់ផ្តើមបើកិច្ចប្រជុំលោកឧត្តមសេនីយ៍ទោ ឡោ សុខា ស្នងការនគរបាលខេត្ត បានមានប្រសាសន៍បើកកិច្ចប្រជុំនិងបានដាក់ផែនការណ៍ដល់ការិយាល័យជំនាញទាំងអស់យកប្រសាសន៍ណែនាំរបស់លោកឧត្តមសេនីយ៍ទោ ស្នងការទៅអនុវត្តន៍ការងារប្រចាំថ្ងៃ មាន៤ចំណុចសំខាន់ៗដូចខាងក្រោម៖
ទី១.ស្តីពីរបាយការណ៍ប្រចាំខែ ត្រូវកំណត់យកនៅថ្ងៃទី១៥ ជាកំណត់យកមកអោយការិយាល័យ សរុបផែនការណ៍ជារាងរាល់ខែ។
ទី២.ស្តីពីរបៀបរបបធ្វើការងារត្រូវធ្វើការគោរពគ្នាទៅវិញទៅមកទៅតាមឋានានុក្រមនិងត្រូវគោរពពេលម៉ោងការងារអោយបានត្រឹមត្រូវទៅតាមការកំណត់ក្នុងម៉ោងបំរើការងារ។
ទី៣.រាល់របាយការណ៍ទាំងអស់ត្រូវបញ្ជូនទៅអោយលោកស្នងការរង ត្រួតពិនិត្យអោយបានច្បាស់លាស់ទាំងការសរសេររបាយការណ៍ទាំងអក្ខរាវីរុទ្ធអោយបានច្បាស់លាស់និងត្រឹមត្រូវ។
ទី៤.សូមអោយអស់លោកទាំងអស់បង្កើននូវការយកចិត្តទុកដាក់លើការងារ ប្រចាំការណ៍នៅក្នុងស្នងការដ្ឋានធ្វើយ៉ាងណាអោយមានមុខប្រចាំការអោយបានទាំងអស់គ្នាហាមអវត្តមាននៅតាមបណ្តាវេនប្រចាំការរបស់ខ្លួន។
មុននិងបញ្ចប់លោកឧត្តមសេនីយ៍ទោ ស្នងការ បានធ្វើការជូនពរដល់អស់លោក លោកស្រី ទាំងអស់សូមជួបតែពុទ្ឋពរទាំងប្រាំ ប្រការគឺ អាយុវណ្ណៈ សុខ: ពល: កុំបីឃ្លៀងឃ្លាតឡើយ ៕
