ព្រះអង្គម្ចាស់ នរោត្តម ចក្រាវុធ យាងចូលរួមពិធីកាន់បិណ្ឌ៩ ក្នុងខេត្តកណ្តាល

ភ្នំពេញ៖ នៅព្រឹកថ្ងៃទី០៨ ខែកញ្ញា ឆ្នាំ២០២៣ ព្រះអង្គម្ចាស់ នរោត្តម ចក្រាវុធ បានដឹកនាំថ្នាក់ដឹកនាំ មន្ត្រីគណបក្សហ៊្វុនស៊ិនប៉ិច យាង អញ្ជើញ ចូលរួមពិធីកាន់បិណ្ឌ ដោយមានទេយ្យទាន គ្រឿងបរិក្ខា ចតុបច្ច័យ វេរប្រគេនព្រះភិក្ខុសង្ឃ គង់ចាំព្រះវស្សា វត្តជោត្តនារាម អន្លង់ស្លែង ស្ថិតនៅក្នុងឃុំសំបួរមាស ស្រុកមុខកំពូល ខេត្តកណ្តាល ។

ស្ថិតនៅក្នុងឱកាសនោះដែរ ព្រះអង្គម្ចាស់ បានឧទ្ទិសថ្វាយព្រះកុសលដល់ ព្រះរាជវិញ្ញាណក្ខន្ធ អតីតព្រះមហាក្សត្រ និងសម្តេចព្រះមហាក្សត្រីយានីគ្រប់ជំនាន់ ដួងព្រះវិញ្ញាណក្ខន្ធ ព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនៈកោដ្ឋ និង សម្តេចក្រុមព្រះ នរោត្តម រណឫទ្ធិ និង ដួងវិញ្ញាណក្ខន្ធ បុព្វបុរស យុទ្ធជន អ្នកស្នេហាជាតិទាំងអស់ ដែលបានពលី នាពេលកន្លងទៅ សូមយាង និងអញ្ជើញ ទទួលមគ្គផល នឹងបានកាន់ព្រះបរមសុគតិភព កុំបីឃ្លៀងឃ្លាតឡើយ៕