រដ្ឋបាលខេត្តស្វាយរៀង រៀបចំកិច្ចប្រជុំវិសាមញ្ញ លើកទី៥ អាណត្តិទី៣ របស់ក្រុមប្រឹក្សាខេត្ត

ភ្នំពេញ៖ នៅព្រឹកថ្ងៃទី២០ ខែតុលា ឆ្នាំ២០២៣នេះ រដ្ឋបាលខេត្តស្វាយរៀង បានរៀបចំកិច្ចប្រជុំវិសាមញ្ញ លើកទី៥ អាណត្តិទី៣ របស់ក្រុមប្រឹក្សាខេត្ត​ ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្ត ព្រមទាំងឯកឧត្ដម លោកជំទាវ សមាជិកក្រុមប្រឹក្សាខេត្ត លោកនាយករដ្ឋបាលសាលាខេត្ត លោកនាយកទីចាត់ការធនធានមនុស្សសាលាខេត្ត​ និងមន្ត្រីពាក់ព័ន្ធមួយចំនួនទៀត។

របៀបវារៈនៃកិច្ចប្រជុំនេះ​ គឺដេីម្បីពិនិត្យ និងអនុម័ត សេចក្តីព្រាង​ សេចក្តីសម្រេចស្តីពីការបែងចែកតួនាទី​ ភារកិច្ច​ និងរបៀបរបបធ្វេីការជូនគណៈអភិបាលខេត្ត​ និងសេចក្តីផ្សេងៗ ៕