យោធិនកងពលតូចអន្តរាគមន៍លេខ១២៨ យោធភូមិភាគទី១ ចុះជួយច្រូតស្រូវប្រជាពលរដ្ឋ
ភ្នំពេញ៖ នៅថ្ងៃទី៣០ ខែតុលា ឆ្នាំ២០២៣ លោកឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ បានចាត់តាំងកំលាំងកងអនុសេនាធំវិស្វកម្ម ចំណុះកងពលតូចអន្តរាគមន៍លេខ១២៨ យោធភូមិភាគទី១ ចំនួន ១៥នាក់ ចុះជួយច្រូតស្រូវ ប្រជាពលរដ្ឋ ដែលខ្វះខាតកម្លាំងពលកម្ម ក្នុងការប្រមូលផលស្រូវ នៅភូមិស្រែស្រណុក ឃុំក្បាលរមាស ស្រុកសេសាន ខេត្តស្ទឹងត្រែង ដោយសំរេចបានលទ្ធផលចំនួន ២ហិកតា។
បងប្អូន ប្រជាពលរដ្ឋជាម្ចាស់ស្រែ បានសំដែងនូវការគោរព ថ្លែង អំណរ គុណ ជាពន្លឹក ចំពោះ មេបញ្ជាការកងពលតូចអន្តរាគមន៍លេខ១២៨ អង្គភាពយោធភូមិភាគទី១ ដែលបានចាត់ កម្លាំងចុះជួយ សំរាលការលំបាក របស់បងប្អូនប្រជាកសិករយើង ដែលកំពុងខ្វះខាតកម្លាំងពលកម្មក្នុងការច្រូតកាត់បោកបែន ប្រមូល ផល ស្រូវ ឲ្យបានទាន់ពេលវេលា៕
