រុស្ស៊ីបានចោទប្រកាន់លោកខាងលិចថាកំពុងស្វែងរកការពង្រីកសង្រ្គាមអ៊ុយក្រែនទៅកាន់អាស៊ីប៉ាស៊ីហ្វិក
បរទេស៖ រដ្ឋមន្ត្រីក្រសួងការពារជាតិរុស្ស៊ី លោក Sergei Shoigu បានលើកឡើងថា លោកខាងលិចចង់ពង្រីកជម្លោះក្នុងប្រទេសអ៊ុយក្រែន ទៅកាន់តំបន់អាស៊ីប៉ាស៊ីហ្វិក នេះបើយោងតាមការចុះផ្សាយរបស់សារព័ត៌មានរដ្ឋរុស្ស៊ី ដោយដកស្រង់ការអត្ថាធិប្បាយដែលបានធ្វើឡើងនៅក្នុងវេទិកាការពារជាតិទីក្រុងប៉េកាំង កាលពីថ្ងៃចន្ទ ទី៣០ ខែតុលា។
ថ្លែងនៅក្នុងវេទិកា Xiangshan ដែលជាព្រឹត្តិការណ៍ការទូតយោធាដ៏ធំបំផុតរបស់ប្រទេសចិន លោក Sergei Shoigu បានឲ្យដឹងថា NATO កំពុងគ្របដណ្តប់ការកសាងកងកម្លាំងនៅក្នុងតំបន់អាស៊ីប៉ាស៊ីហ្វិក ជាមួយនឹង បំណងប្រាថ្នាដ៏ប៉ិនប្រសប់សម្រាប់ការសន្ទនា ទីភ្នាក់ងារសារព័ត៌មាន TASS របស់រុស្ស៊ីបានរាយការណ៍។
លោក Sergei Shoigu បានបញ្ជាក់ថា ប្រទេសណាតូកំពុងលើកកម្ពស់ការប្រណាំងអាវុធនៅក្នុងតំបន់ ដោយបង្កើនវត្តមានយោធារបស់ពួកគេ និងភាពញឹកញាប់ និងទំហំនៃសមយុទ្ធយោធានៅទីនោះ។
លោក Sergei Shoigu បានឲ្យដឹងថា កងកម្លាំងសហរដ្ឋអាមេរិកនឹងប្រើប្រាស់ការផ្លាស់ប្តូរព័ត៌មានជាមួយទីក្រុងតូក្យូ និងទីក្រុងសេអ៊ូល លើការបាញ់មីស៊ីល ដើម្បីរារាំងប្រទេសរុស្ស៊ី និងប្រទេសចិន។ លោកក៏បានចោទប្រកាន់ទីក្រុងវ៉ាស៊ីនតោនពីការព្យាយាមប្រើប្រាស់ការប្រែប្រួលអាកាសធាតុ និងគ្រោះមហន្តរាយធម្មជាតិជាលេសសម្រាប់ អន្តរាគមន៍មនុស្សធម៌។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
