ឧត្តមសេនីយ៍ឯក ហ៊ុន ម៉ានិត ចុះសួរសុខទុក្ខយោធិន និងចែកអាវរងារ នៅទីបញ្ជាការយោធភូមិភាគពិសេស

ភ្នំពេញ៖ ឯកឧត្តឧត្តមសេនីយ៍ឯក ហ៊ុន ម់ានិត មេបញ្ជាការរងកងទ័ពជើងគោក តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោហ៊ុនសែន និងសម្ដេចគតិព្រឹទ្ធបណ្ឌិត នាថ្ងៃទី៣ ខែវិច្ឆិកា ឆ្នាំ២០២៣ បានអញ្ជើញដឹកនាំគណៈប្រតិភូចុះសាកសួរសុខទុក្ខយោធិន និងចែកអាវរងារ ដែលជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ចែកជូនដល់នាយទាហាននាយទាហានរង និងពលទាហាន នៅទីបញ្ជាការយោធភូមិភាគពិសេស ស្ថិតក្នុងភូមិសាស្ត្រ ភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។

ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស តំណាងដ៏ខ្ពង់ខ្ពស់ ឯកឧត្តមនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក បានបញ្ជាក់ឲ្យដឹងថា ក្រោមម្លប់សន្តិភាពក្រោមការដឹកនាំដ៏ឈ្លាសវៃ របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាមគ្គុទេសដ៏ឆ្នើម តែងតែយកចិត្តទុកដាក់ដល់សុខទុក្ខកងកម្លាំងប្រដាប់អាវុធ នៅទូទាំងប្រទេស និយាយជារួមដោយឡែកអង្គភាពយោធភូមិភាពពិសេសរបស់យើងខ្ញុំ លោកតែងតែគិតគូរនៅរដូវវស្សាមានអាវភ្លៀង រដូវត្រជាក់មានអាវរងាជារៀងរាល់ឆ្នាំ យើងខ្ញុំដែលជាថ្នាក់ដឹកនាំ នាយ-ពលទាហាន ទាំងអស់ សូមគោរពជូនពរ សម្ដេចទាំងទ្វេ និងក្រុមគ្រួសារ សូមទទួលបាននូវសុខភាពល្អ បវរមហាប្រសើរជាម្លប់ដ៏ត្រជាក់ដល់កូនចៅដឹកនាំនាវាកម្ពុជាឆ្ពោះទៅកាន់ការអភិវឌ្ឍសេដ្ឋកិច្ចជាតិឲ្យកាន់តែរីកចម្រើនលើគ្រប់វិស័យ ។

ជាថ្មីម្ដងទៀតជំនួសមុខឲ្យថ្នាក់ដឹកនាំនាយ_ពលទាហាន នៃទីបញ្ជាការយោធភូមិភាគពិសេសទាំងអស់ និងក្នុងនាមខ្លួនខ្ញុំផ្ទាល់ ខ្ញុំសូមប្ដេជ្ញាស្មោះត្រង់ជឿជាក់ឥតងាករេលើការដឹកនាំរបស់រាជរដ្ឋាភិបាលស្របច្បាប់ដែលកើតចេញពីការបោះឆ្នោត និងក្រោមការដឹកនាំដ៏ប៉ិនប្រសប់ប្រកបដោយគតិបណ្ឌិតរបស់សម្ដេចធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងបន្តបោះឆ្នោតគាំទ្រសម្ដេចធ្វើជានាយករដ្ឋមន្ត្រី អាណត្តិទី8 និងអាណត្តិបន្តបន្ទាប់ទៀត ។