នាយឧត្តមសេនីយ៍ សែម សុវណ្ណនី ដឹកនាំកិច្ចប្រជុំស្តីពីការត្រៀមលក្ខណៈ ដើម្បីទទួលដំណើរមកដល់របស់កម្លាំងមួកខៀវកម្ពុជា មកពីសាធារណរដ្ឋម៉ាលី
ភ្នំពេញ៖ ឯកឧត្តម នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព នាព្រឹកថ្ងៃទី១៣ ខែវិច្ចិកា ឆ្នាំ២០២៣ បានអញ្ជើញដឹកនាំកិច្ចប្រជុំក្នុងការត្រៀមលក្ខណៈទទួលកងកម្លាំងមួកខៀវកម្ពុជា ដែលនឹងធ្វើមាតុភូមិនិវត្តន៍មកព្រះរាជាណាចក្រកម្ពុជានាពេលខាងនេះ។ កិច្ចប្រជុំនេះ មានសមភាពចូលរួមពីសំណាក់ឯកឧត្តមអគ្គនាយករង ឯកឧត្តមនាយក-ជំនាញជាច្រើនរូប។
គួរបញ្ជាក់ផងដែរថា កងកម្លាំងមួកខៀវកម្ពុជា ដែលនឹងធ្វើមាតុភូមិនិវត្តន៍នាពេលខាងមុខនេះ គឺជាការមកដល់លើទី២ ដ្បិតកងកម្លាំងនាំមុខ បានមកដល់មាតុភូមិកាលពីថ្ងៃទី២៧ ខែតុលា ឆ្នាំ២០២៣ ៕
