រដ្ឋមន្ត្រីការបរទេស៖ ករណីគ្រុនផ្តាសាយធំរបស់ចិនស្ថិតនៅក្រោមការគ្រប់គ្រងប្រកបដោយប្រសិទ្ធភាព
អង្គការសហប្រជាជាតិ៖ ការកើនឡើងថ្មីៗនៃជំងឺផ្លូវដង្ហើមនៅក្នុងប្រទេសចិន គឺជាបញ្ហាទូទៅដែលប្រទេសទាំងអស់ប្រឈមមុខ ហើយអាជ្ញាធរចិនស្ថិតនៅក្រោមការគ្រប់គ្រងប្រកបដោយប្រសិទ្ធភាព នេះបើតាមរដ្ឋមន្ត្រីការបរទេសចិនលោក Wang Yi បានបញ្ជាក់កាលពីថ្ងៃពុធ ទី២៩ ខែវិច្ឆិកា។
អង្គការសុខភាពពិភពលោក (WHO) កាលពីសប្តាហ៍មុនបានស្នើឱ្យប្រទេសចិនផ្តល់ព័ត៌មានលម្អិតអំពីការកើនឡើងនៃជំងឺផ្លូវដង្ហើម និងរាយការណ៍ពីចង្កោមនៃជំងឺរលាកសួតចំពោះកុមារ។
ប៉ុន្តែមន្ត្រីអង្គការសុខភាពពិភពលោកបានលើកឡើងកាលពីថ្ងៃចន្ទថាការកើនឡើងនៃជំងឺនៅក្នុងប្រទេសចិនគឺមិនខ្ពស់ដូចមុនការរាតត្បាតនៃជំងឺកូវីដ-១៩ នោះទេ ហើយបានរំលឹកឡើងវិញថាមិនបានរកឃើញមេរោគថ្មី ឬមេរោគមិនធម្មតាណាមួយត្រូវបានរកឃើញនៅក្នុងករណីថ្មីៗនោះទេ។
ថ្មីៗនេះ យើងបានឃើញករណីគ្រុនផ្ដាសាយមួយចំនួនក្នុងចំណោមកុមារនៅតំបន់ខ្លះនៃប្រទេសចិន។ តាមពិតទៅ នោះគឺជាបាតុភូតទូទៅមួយនៅក្នុងប្រទេសជាច្រើន ហើយនៅក្នុងប្រទេសចិន ដែលត្រូវបានដាក់ឱ្យស្ថិតក្រោមការគ្រប់គ្រងប្រកបដោយប្រសិទ្ធភាព។
អន្តរកម្មរបស់ចិនជាមួយសហគមន៍អន្តរជាតិនឹងមិនរងផលប៉ះពាល់ដោយកត្តាណាមួយឡើយ ហើយយើងស្វាគមន៍ការមកទស្សនាកាន់តែច្រើនពីមិត្តភក្តិមកពីជុំវិញពិភពលោក។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
