មេបញ្ជាការតំបន់ប្រតិបត្តិការសឹករងកណ្តាល ចាត់តាំងតំណាងចុះសួរសុខទុក្ខ វរៈសេនីយ៍ត្រី ជា សុខា ដែលកំពុងសំរាកព្យាបាលជំងឺនៅមន្ទីរពេទ្យ

ភ្នំពេញ៖ វរសេនីយ៍ឯក ឈៀ វណ្ណឌី មេបញ្ជាការរង តំណាង ឯកឧត្តម ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល នៅថ្ងៃទី៨ ខែធ្នូ ឆ្នាំ២០២៣ នេះ បានអញ្ជើញដឹកនាំនាយទាហាន នៅក្នុងអង្គភាពចុះសាកសួរសុខទុក្ខ លោក វរៈសេនីយ៍ត្រី ជា សុខា មេបញ្ជាការផ្នែកសឹករងស្អាង ដែលកំពុងសំរាកព្យាបាលជំងឺនៅមន្ទីរពេទ្យព្រះកេតុមាលា។

ក្នុងនាមឯកឧត្តម មេបញ្ចាការ លោក វរសេនីយ៍ឯក ឈៀ វណ្ណឌី បាននាំមកជាមួយនូវប្រសាសន៍ផ្តាំផ្ញើសួរសុខទុក្ខ លោក វរៈសេនីយ៍ត្រី ជា សុខា ដែលកំពុងព្យាបាលជំងឺ និងបានជំរុញអោយលោក និងក្រុមគ្រួសារ ត្រូវយកចិត្តទុកដាក់ខ្ពស់ចំពោះការថែទាំ ព្យាយាបាល និងលេបថ្នាំអោយបានទៀងទាត់ទៅតាមវេជ្ជបញ្ញា របស់គ្រូពេទ្យ និងសូមជូនពរឆាប់បានជាសៈស្បើយ។

ក្នុងឱកាសនេះដែរ លោក វរសេនីយ៍ឯក ឈៀ វណ្ណឌី និងនាយទាហាន ក្នុងទីបញ្ជាការ បាននាំយកថវិកា ចំនួន ២០០ ដុល្លារ រួមជាមួយនិង ទឹកត្រជៀកកាំមួយកន្ត្រក។

លោក វរៈសេនីយ៍ត្រី ជា សុខា និងក្រុមគ្រួសារ បានគោរពថ្លែងអំណរគុណយ៉ាងជ្រាលជ្រៅជូនចំពោះ ថ្នាក់ដឹកនាំគ្រប់លំដាប់ថ្នាក់ ដែលបានយកចិត្ដទុកដាក់គិតគូរអំពីសុខទុក្ខរបស់កម្លាំងក្រោមបង្គាប់ គ្រប់ពេលវេលា និងសូមគោរពជូនពរ ថ្នាក់ដឹកនាំ និងក្រុមការងារ សូមមានសុខភាពល្អ ប្រកបបាននូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕