រដ្ឋមន្ត្រីក្រសួងផែនការ អញ្ជើញប្រកាសផ្សព្វផ្សាយរបាយការណ៍ចុងក្រោយស្តីពីអង្កេតកសិកម្មកម្ពុជាឆ្នាំ២០២១

ភ្នំពេញ៖ នាព្រឹកថ្ងៃទី២០ ខែធ្នូ ឆ្នាំ២០២៣ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសផ្សព្វផ្សាយរបាយការណ៍ចុងក្រោយស្តីពីអង្កេតកសិកម្មកម្ពុជាឆ្នាំ២០២១ នៅសណ្ឋាគារភ្នំពេញ (Phnom Penh Hotel)។

គួរបញ្ជាក់ផងដែរថា របាយការណ៍អង្កេតកសិកម្មកម្ពុជាឆ្នាំ២០២១នេះ ជាសមិទ្ធផលមួយទៀតនៃកិច្ចសហការរវាងវិទ្យាស្ថានជាតិស្ថិតិ នៃក្រសួងផែនការ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្ម នៃសហប្រជាជាតិ។

ការអង្កេតកសិកម្មកម្ពុជា ត្រូវបានធ្វើឡើងចំនួន៤ឆ្នាំមកហើយ ចាប់តាំងពីឆ្នាំ២០១៩មក ហើយបច្ចុប្បន្នកំពុងចុះប្រមូលទិន្នន័យអង្កេតកសិកម្មឆ្នាំ២០២៣ ក្រោមការឧបត្ថម្ភគាំទ្រថវិកា និងជំនួយបច្ចេកទេស ពីរាជរដ្ឋាភិបាលកម្ពុជា និងគម្រោងកម្មវិធីអភិវឌ្ឍទិន្នន័យកសិកម្ម ៥០x២០៣០ ដែលមានអង្គការស្បៀង និងកសិកម្មនៃសហប្រជាជាតិ (FAO) ផ្តោតទៅលើបច្ចេកទេស និងមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ផ្តោតលើការប្រើប្រាស់ទិន្នន័យ ៕