នគរបាលខេត្តព្រៃវែង បន្តចុះបើកវេទិការសាធារណៈ និងផ្សព្វផ្សាយគោលនយោបាយ “ភូមិ ឃុំ-សង្កាត់ មានសុវត្ថិភាព” នៅតាមបណ្ដាសាលារៀន និងផ្ទះប្រជាពលរដ្ឋ
ភ្នំពេញ៖ នៅព្រឹកថ្ងៃទី៨ ខែមករា ឆ្នាំ២០២៤ នគរបាលខេត្តព្រៃវែង បន្តចុះបើកវេទិការសាធារណៈ និងផ្សព្វផ្សាយគោលនយោបាយ “ភូមិ ឃុំ-សង្កាត់ មានសុវត្ថិភាព” នៅតាមបណ្ដាសាលារៀន និងផ្ទះប្រជាពលរដ្ឋ ដើម្បីអប់រំណែនាំដល់សិស្សានុសិស្ស និងប្រជាពលរដ្ឋទូទៅ ឱ្យបានយល់ដឹងបន្ថែមទៀត និងផ្សព្វផ្សាយបន្ថែម ពាក់ព័ន្ធនឹងការចូលរួមគោរពច្បាប់ចរាចរណ៍ផ្លូវគោក ដើម្បីការពារ អាយុជីវិត និងបង្ការទប់ស្កាត់គ្រោះថ្នាក់ផ្សេងៗដែលកើតឡើងជាយថាហេតុ ។
មិនតែប៉ុណ្ណោះកម្លាំងនគរបាល ក៏បានផ្សព្វផ្សាយអំពី ផលប៉ះពាល់គ្រឿងញៀន ក្មេងទំនើង និងហាមប្រាមដល់សិស្សានុសិស្សមួយចំនួន ជាពិសេសសិស្សដែលគេចសាលា មិនព្រមចូលរៀន ឱ្យខិតខំសិក្សារៀនសូត្រឡើងវិញ ដើម្បីកសាងខ្លួនឱ្យក្លាយជាកូនល្អ សិស្សល្អ មិត្តល្អ និងពលរដ្ឋល្អនៅក្នុងសង្គមនាថ្ងៃអនាគត៕
