ឧត្តមសេនីយ៍ត្រី គុជ នាង ផ្សព្វផ្សាយអនុក្រឹត្យ របស់រាជរដ្ឋាភិបាល ស្ដីពីទិវាសន្តិភាពនៅកម្ពុជា ជូនដល់យោធិនចំណុះទីបញ្ជាការកងពល
ភ្នំពេញ៖ ឧត្តមសេនីយ៍ត្រី គុជ នាង មេបញ្ជាការ កងពលតូចថ្មើរជើងលេខ៥២ នាថ្ងៃទី១៧ ខែមករា ឆ្នាំ២០២៤ បានអញ្ជើញជាអធិបតីភាព ផ្សព្វផ្សាយសភាពការណ៍ថ្មីៗ និងអនុក្រឹត្យលេខ ០១ អ ន ក្រ ប ក របស់រាជរដ្ឋាភិបាល ស្ដីពីទិវាសន្តិភាពនៅកម្ពុជា ជូនដល់នាយទាហាន នាយទាហានរង និងពលទាហាន ទូទាំងកងពលតូចថ្មើរជើងលេខ៥២។
បន្ទាប់មក វរសេនីយ៍ឯក សំ ថុង មេបញ្ជាការរងកងពល បានបន្តផ្សព្វផ្សាយ អនុក្រឹត្យលេខ ០១ អ ន ក្រ ប ក របស់រាជរដ្ឋាភិបាល ស្ដីពីទិវាសន្តិភាពនៅកម្ពុជា និងសម្រង់ខ្លឹមសារសំខាន់ៗរបស់ សម្ដេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់នាយទាហាន នាយទាហានរង និងពលទាហានទូទាំងកងពល ឱ្យយល់ជ្រួតជ្រាបអំពីគុណតម្លៃនៃសន្តិភាព និងខ្លឹមសារសំខាន់ៗរបស់ សម្ដេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា។
ក្រោយពីបានស្តាប់នូវរាល់ខ្លឹមសារដែលបានផ្សព្វផ្សាយយុទ្ធសាស្រ្តនេះ រាជរដ្ឋាភិបាលបានគិតគូរ និងយកចិត្តទុកដាក់ខ្ពស់បំផុត ចំពោះប្រទេសជាតិ ប្រជាជនគ្រប់ស្រទាប់វណ្ណៈ ក៏ដូចជាកងកម្លាំងប្រដាប់អាវុធទាំងអស់ នៃកងយោធពលខេមរភូមិន្ទ ហើយយើងខ្ញុំទាំងអស់គ្នា សូមប្តេជ្ញាគាំទ្រ នូវការដាក់ចេញនូវយុទ្ធសាស្ត្ររបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ប្រកបដោយជំនឿជឿជាក់យ៉ាងមុតមាំ តទៅអនាគត៕
