កងទ័ពអាកាស៖ អ៊ុយក្រែនបានទម្លាក់យន្តហោះគ្មានមនុស្សបើករបស់រុស្ស៊ីចំនួន ២២ គ្រឿងក្នុងចំណោម ៣៣ គ្រឿងដែលបានបាញ់បង្ហោះពេញមួយយប់

បរទេស៖ កងកម្លាំង​អ៊ុយក្រែន​បាន​បាញ់​ទម្លាក់​យន្តហោះ​គ្មាន​មនុស្ស​បើក​ប្រភេទ Shahed ចំនួន ២២ គ្រឿង​ក្នុង​ចំណោម ៣៣ គ្រឿង​ដែល​រុស្ស៊ី​បាន​បាញ់​បង្ហោះ​ពេញ​មួយ​យប់។

យន្តហោះគ្មានមនុស្សបើកត្រូវបានបាញ់បង្ហោះចេញពី Primorsko-Akhtarsk នៅភាគខាងត្បូងប្រទេសរុស្ស៊ី ក្បែរឆ្នេរសមុទ្រនៃសមុទ្រ Azov និងតំបន់ Kursk នេះបើយោងតាមកងទ័ពអាកាស។ យ៉ាងហោចណាស់មានកាំជ្រួច S-៣០០ ចំនួនពីរគ្រាប់ សំដៅទៅលើតំបន់ Kharkiv Oblast ត្រូវបានបាញ់ចេញពីតំបន់ Belgorod របស់រុស្ស៊ី។

យន្តហោះគ្មានមនុស្សបើក ផ្តោតសំខាន់ទៅលើតំបន់ភាគខាងជើង និងភាគខាងត្បូងនៃប្រទេសអ៊ុយក្រែន។

អង្គភាពមីស៊ីលប្រឆាំងយន្តហោះ និងក្រុមបាញ់ចល័តត្រូវបានប្រើប្រាស់ ដើម្បីទប់ទល់ការវាយប្រហារតាមអាកាស។ យន្តហោះគ្មានមនុស្សបើកត្រូវបានទម្លាក់ពីលើ Sumy, Mykolaiv, តំបន់ Kherson, Dnipropetrovsk, Kirovohrad និង Khmelnytskyi។

យ៉ាងហោចណាស់យន្តហោះគ្មានមនុស្សបើកចំនួន ៤ គ្រឿងក្នុងចំណោម ២២ គ្រឿងត្រូវបានទម្លាក់ពីលើតំបន់ Sumy Oblast ភាគឦសាន ដោយបានបំផ្លាញឃ្លាំងមួយ និងរថយន្តដឹកទំនិញជាច្រើន។

ប្រភព៖ The Kyiv Independent

ប្រែសម្រួលដោយ៖ ឡាយ លីហួ