ឥណ្ឌូណេស៊ី មើលឃើញថា FDI មានតម្លៃ ៤៧ ពាន់លានដុល្លារក្នុងឆ្នាំ ២០២៣
ហ្សាការតា៖ ក្រសួងវិនិយោគបានឲ្យដឹងកាលពីថ្ងៃពុធថា ប្រទេសឥណ្ឌូនេស៊ីបានកត់ត្រាការវិនិយោគផ្ទាល់ពីបរទេសសរុបចំនួន ៧៤៤ ពាន់ពាន់លានរូពី (៤៧.៣៤ ពាន់លានដុល្លារ) កាលពីឆ្នាំមុន កើនឡើង ១៣.៧ ភាគរយលើមូលដ្ឋានប្រចាំឆ្នាំ។
ទោះជាយ៉ាងណាក៏ដោយ កំណើននៅក្នុងត្រីមាសទី ៤ បានធ្លាក់ចុះយ៉ាងខ្លាំងមកត្រឹម ៥.៣ ភាគរយធៀបនឹងរយៈពេលដូចគ្នាកាលពីឆ្នាំមុន ធៀបនឹងកំណើនត្រីមាសទី ៣ ដែលមាន ១៦.២ ភាគរយ។ FDI សរុបក្នុងអំឡុងខែតុលាដល់ខែធ្នូមានចំនួន ១៩៤.៤ ពាន់ពាន់លានរូពៀ។
ទិន្នន័យរបស់ក្រសួងមិនរាប់បញ្ចូលការវិនិយោគក្នុងវិស័យហិរញ្ញវត្ថុ ប្រេង និងឧស្ម័ន ហើយត្រូវបានរាយការណ៍ជាប្រាក់រូពៀ។
សេដ្ឋកិច្ចដ៏ធំបំផុតរបស់អាស៊ីអាគ្នេយ៍បានឃើញកំណើន FDI ដ៏រឹងមាំបន្ទាប់ពីជំងឺរាតត្បាត ជាពិសេសនៅពេលដែលការវិនិយោគនៅក្នុងឧស្សាហកម្មកែច្នៃនីកែលរបស់ខ្លួនកំពុងរីកចម្រើន។
ឧស្សាហកម្មលោហធាតុមូលដ្ឋានបានទទួល FDI ដ៏ធំបំផុតកាលពីឆ្នាំមុនចំនួន ១១.៨ ពាន់លានដុល្លារ ខណៈដែលការជីកយករ៉ែស្ថិតនៅលំដាប់ទី ៤ ជាមួយនឹង ៤.៧ ពាន់លានដុល្លារ។
វិស័យផ្សេងទៀតដែលទទួលបានអត្ថប្រយោជន៍ពី FDI រួមមាន ឃ្លាំងស្តុកទំនិញ និងទូរគមនាគមន៍ ឱសថ ម្សៅ និងក្រដាស។
សិង្ហបុរី ចិន និងហុងកុង គឺជាប្រភព FDI ដ៏ធំបំផុតក្នុងឆ្នាំ ២០២៣។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
