រដ្ឋបាលស្រុកបាទី រៀបចំវគ្គបណ្តុះបណ្តាលរំលឹកឡើងវិញ ការអនុវត្តក្របខណ្ឌគណនេយ្យភាពសង្គម
ភ្នំពេញ៖ នាថ្ងៃចន្ទ ១២កើតដល់ពុធ ១៤កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ដល់២៤ ខែមករា ឆ្នាំ២០២៤ រដ្ឋបាលស្រុកបាទី បានរៀបចំវគ្គបណ្តុះបណ្តាលរំលឹកឡើងវិញស្តីពីការអនុវត្តផែនការយុទ្ធសាស្ត្រ គណនេយ្យភាពសង្គមដល់អ្នកសម្របសម្រួលគណនេយ្យភាពសហគមន៍(CAF) ថ្នាក់ឃុំទាំង១៥ឃុំ ឆ្នាំ២០២៤។
វគ្គបណ្តុះបណ្តាលនេះប្រព្រឹត្តទៅក្រោមអធិបតីភាព លោក ហ៊ូ វណ្ណ: អភិបាលរង នៃគណៈអភិបាលស្រុកបាទី និងជាប្រធានក្រុមការងារគណនេយ្យភាពសង្គមថ្នាក់ស្រុក និងលោកស្រី ម៉ែន សយ សមាជិកក្រុមប្រឹក្សាស្រុក។
ដំណើរការបណ្តុះបណ្តាល និងសម្របសម្រួលដោយក្រុមគ្រូឧទ្ទេសថ្នាក់ស្រុក មានរយៈពេល ៣ថ្ងៃ លើប្រធានបទចំនួន ៩គឺ៖
១.ទិដ្ឋភាពនៃការអនុវត្តការងារគណនេយ្យភាពសង្គម
២.តួនាទី និងភារកិច្ច របស់ផ្នែកផ្គត់ផ្គង់
៣.តួនាទី និងភារកិច្ច របស់ផ្នែកតម្រូវការ
៤.ដំណើរការនិងនីតិវិធីអនុវត្តការងារគណនេយ្យភាពសង្គម
៥.កញ្ចប់ព័ត៌មានសម្រាប់ប្រជាពលរដ្ឋ
៦.ប្រព័ន្ធត្រួតពិនិត្យ តាមដានការអនុវត្តសកម្មភាពគណនេយ្យភាពសង្គម
៧.ការត្រួតពិនិត្យ តាមដាន ដោយប្រជាពលរដ្ឋ
៨.ការតាមដានត្រួតពិនិត្យ និងវាយតម្លៃ
៩.ផែនការសកម្មភាពរួមស្តីពីការងារគណនេយ្យភាពសង្គម។
សូមបញ្ចាក់ផងដែរថា ក្រៅពីវគ្គបណ្តុះបណ្តាលខាងលើនេះ អង្គសិក្ខាសាលាបានពិភាក្សាគ្នាបន្ថែមលើការគ្រោងផែនការសកម្មភាពថវិកា លើការអនុវត្តគណនេយ្យភាពសង្គមថ្នាក់ឃុំសម្រាប់ឆ្នាំ២០២៤ ៕
