ស្ពានអាកាសមរតកតេជោ នៅច្រមុះជ្រូកក្បាលថ្នល់ ឈានដល់តភ្ជាប់តំណរស្ពាន ដំណាក់កាលទី១ ដែលគ្រោងដាក់ឲ្យប្រើប្រាស់រយៈពេល ៧៤ថ្ងៃ ខាងមុខ

ភ្នំពេញ៖ ស្ពានអាកាសមរតកតេជោ ដែលមានទីតាំងនៅចំចំណុចច្រមុះជ្រូកក្បាលថ្នល់ បានឈានដល់តភ្ជាប់តំណរស្ពាន ដំណាក់កាលទី១ ដែលគ្រោងនិងដាក់អោយប្រើប្រាស់ ជាផ្លូវរយៈ ពេល ៧៤ថ្ងៃ ខាងមុខ ។ ដោយការអញ្ជើញ តភ្ជាប់តំណរ ស្ពាននេះ ត្រូវបានធ្វើឡើង នៅព្រឹកថ្ងៃទី២៩ ខែមករា ឆ្នាំ២០២៤ ក្រោមវត្តមានឯកឧត្តម ឃួង ស្រេង អភិបាលរាជធានីភ្នំពេញ ស្ថិតនៅចំណុចប្រសព្វ រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និងមហាវិថីយោធពលខេមរភូមិន្ទ (ផ្លូវ ២៧១) ។

ឯកឧត្តម ឃួង ស្រេង អភិបាលរាជធានីភ្នំពេញ បានអោយដឹងថា ស្ពានអាកាសព្រះមុនីវង្សថ្មី ត្រូវបានប្តូរឈ្មោះ មកជាស្ពានអាកាសមរតកតេជោវិញ។ ស្ពាននេះ ក្នុងដំណាក់កាលទី១ ការ សាងសង់ស្ពាន អាកាសមរតកតេជោ (ស្ពានអាកាសជាន់ទី២) បច្ចុប្បន្នសាងសង់បានសម្រេច ប្រមាណ ៨០% ហើយ តាមផែនការគ្រោងនឹងត្រូវបញ្ចប់ នៅចុងខែមីនា ឆ្នាំ២០២៤ ខាងមុខនេះ ។

​គូសបញ្ជាក់ថា ក្រោយបញ្ជប់ និងដាក់អោយប្រើប្រាស់ដំណាក់កាលទី១រួចរាល់ ដំណាក់កាលទី២ គ្រោង នឹងបញ្ចប់មុន ចូលឆ្នាំប្រពៃណីជាតិ ឆ្នាំ២០២៥ ។ ស្ពានអាកាសតេជោជា ស្ពានអាកាស ទី៨ នៅក្នុងរាជធានី ភ្នំពេញ ។ ស្ពានអាកាស នេះ សាងសង់ដោ ក្រុមហ៊ុន វិនិយោគទុនអាណិកជនកម្ពុជា OCIC នៅ ចំណុចប្រសព្វ មហាវិថី សម្តេចតេជោ ហ៊ុន សែន ( ផ្លូវ ៦០ ម៉ែត្រ បឹងទំពុន ) មហាវិថី ព្រះមុនី វង្ស ជាមួយវិថី កងយោធពលខេមរភូមិន្ទ ហៅ ផ្លូវលេខ ២៧១ ក្នុង ទឹកដី ខណ្ឌចំការមន និង ខណ្ឌមានជ័យ ។ ស្ពានអាកាស នេះ គ្រោងចំណាយថវិកា ជាង ៣៦ លាន ដុល្លារ និងចំណាយពេលវេលាសាងសង់ ៣៦ ខែ ។