ក្រសួងទេសចរណ៍ និងបន្តកិច្ចសហប្រតិបត្តិការជាមួយអង្គការ WWF បន្ថែមទៀត
ភ្នំពេញ៖ នៅថ្ងៃទី២២ ខែកុម្ភៈ ឆ្នាំ២០២៤ ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ បានទទួលជួបសម្តែងការគួរសមជាមួយ តំណាងអង្គការ មូលនិធិសត្វព្រៃពិភពលោក (WWF) ប្រចាំនៅកម្ពុជា ដើម្បីពិភាក្សាអំពីកាលានុវត្តភាពសម្រាប់កិច្ចសហប្រតិបត្តិការជំរុញឱ្យប្រទេសកម្ពុជាក្លាយជាប្រទេសដែលប្រើប្រាស់ថាមពលបៃតង មិនប៉ះពាល់ដល់បរិស្ថាន។
នៅក្នុងជំនួបអង្គការWWF បានលើកឡើងពីកិច្ចសហប្រតិបត្តិការជាមួយសហព័ន្ធទេសចរណ៍កម្ពុជា (CTF) ក្នុងការជំរុញកំណើនអេកូទេសចរណ៍ និងសហការជំរុញកម្មវិធីបណ្ដុះបណ្ដាលដល់បុគ្គលិកអាជីកម្ម និងអាជីវករឱ្យចូលរួមការប្រើប្រាស់ថាមពលបៃតង ដើម្បីជួយដល់បរិស្ថានភពផែនដី។
ក្រសួងទេសចរណ៍បានសម្ដែងការគាំទ្រ និងបន្តកិច្ចសហប្រតិបត្តិការជាមួយអង្គការ WWF បន្ថែមទៀត ដែលការងារនេះជាផ្នែកមួយនៃបេសកកម្មរបស់ក្រសួងទេសចរណ៍ក្នុងការជំរុញកម្ពុជាក្លាយជាគោលដៅទេសចរណ៍ប្រកបដោយភាពរស់រវើក ការប្រកួតប្រជែង ចីរភាព និងបរិយាបន្ន៕
