ឧបនាយករដ្ឋមន្ត្រី ស៊ុន ចាន់ថុល ជួបតំណាង IFC ពិភាក្សាលើវឌ្ឍនភាពការងារ ដើម្បីជំរុញពន្លឿនគម្រោងរអភិវឌ្ឍមជ្ឈមណ្ឌល ភស្ដុភារកម្មក្រុងព្រះសីហនុ និងភ្នំពេញ
ភ្នំពេញ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាថ្ងៃទី២២ ខែកុម្ភៈ ឆ្នាំ២០២៤ បានទទួលជួបពិភាក្សាការងារជាមួយលោក Asad Yaqub តំណាងសាជីវកម្មហិរញ្ញវត្ថុអន្តរជាតិ (IFC) ប្រចាំនៅកម្ពុជា។
ជំនួបនាឱកាសនេះត្រូវបានរៀបចំឡើងក្នុងគោលបំណងដើម្បីពិភាក្សាលើវឌ្ឍនភាពការងារ និងតម្រូវការសម្របសម្រួលនានាពីក្រុមប្រឹក្សាអភិវឌ្ឍន៍កម្ពុជា ដើម្បីជំរុញពន្លឿនគម្រោងនៃការអភិវឌ្ឍមជ្ឈមណ្ឌលភស្ដុភារកម្មក្រុងព្រះសីហនុ និងគម្រោងនៃការអភិវឌ្ឍមជ្ឈមណ្ឌលភស្ដុភារកម្មភ្នំពេញ ដែលជាគម្រោងស្ថិតក្រោមផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣៕
