រដ្ឋមន្ត្រីការបរទេសរុស្ស៊ី ប្រកាសថា កងទ័ពរបស់អង្គការ NATO មានវត្តមាននៅក្នុងទឹកដី អ៊ុយក្រែនរួចទៅហើយ
បរទេស៖ រដ្ឋមន្ត្រីការបរទេសរុស្ស៊ីលោក Sergei Lavrov នៅថ្ងៃសុក្របានឲ្យដឹងថាប្រធានាធិបតីបារាំងមិនបាននិយាយខុសអំពីលទ្ធភាពដែលណាតូបញ្ជូនកងទ័ពទៅអ៊ុយក្រែនដោយកត់សម្គាល់ថាកងទ័ពបាននៅទីនោះក្រៅផ្លូវការរួចហើយ។
លោក Lavrov បានឲ្យដឹងនៅឯវេទិកាការទូត Antalya ជាការឆ្លើយតបទៅនឹងការលើកឡើងរបស់លោកប្រធានាធិបតី Emmanuel Macron កាលពីថ្ងៃចន្ទ។ ដើម្បីឆ្លើយតបទៅនឹងការលើកឡើងរបស់លោក Emmanuel Macron កាលពីថ្ងៃចន្ទ ដែលក្នុងនោះលោក Lavrov បានបញ្ជាក់ថា អ្វីគ្រប់យ៉ាងដែលចាំបាច់ត្រូវតែធ្វើដើម្បីធានាការបរាជ័យរបស់រុស្ស៊ី រួមទាំងការដាក់ពង្រាយកងទ័ព។
រដ្ឋមន្ត្រីការបរទេសរុស្ស៊ីបានបញ្ជាក់ថា រុស្ស៊ីមានភស្តុតាងនៃវត្តមានកងទ័ពណាតូនៅអ៊ុយក្រែន។ លោកបានលើកឡើងពីការប្រើប្រាស់អាវុធចម្ងាយឆ្ងាយរបស់អ៊ុយក្រែន ដែលលោកបានអះអាងថា ប្រទេសនេះខ្វះសមត្ថភាពក្នុងការប្រតិបត្តិការជាឧទាហរណ៍។
ការលើកឡើងរបស់លោក Macron ត្រូវបានច្រានចោលដោយប្រទេសមួយចំនួនរបស់អង្គការ NATO ដោយបានអះអាងថា ពួកគេមិនមានគម្រោងបញ្ជូនកងទ័ពទៅកាន់អ៊ុយក្រែន ដើម្បីប្រយុទ្ធប្រឆាំងនឹងរុស្ស៊ីនោះទេ។
ប្រភព៖ Xinhua Net
ប្រែសម្រួលដោយ៖ ឡាយ លីហួ
