អំណោយឧបត្ថម្ភដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត និងលោកជំទាវ ត្រូវបានផ្តល់ជូនបញ្ជាការដ្ឋានយោធភូមិភាគទី៣
ភ្នំពេញ៖ ឯកឧត្តមនាយឧត្តមសេនីយ៍ គីម ប៊ុនថាន នាថ្ងៃទី៧ ខែមីនា ឆ្នាំ២០២៤បាននាំយកអំណោយឧបត្ថម្ភដ៏ថ្លៃថ្លា របស់ សម្តេចមហាបវរធិបតី ហ៊ុន ម៉ាណែត និងលោកជំទាវ ជូនបញ្ជាការដ្ឋានយោធភូមិភាគទី៣ រួមមាន អង្ករ ១០តោន មី ៣០០កេស សៀវភៅ ៣០០០ក្បាល និងប៊ិច ៣០០០ដើម។
ក្នុងមតិសំណេះសំណាល ជាមួយថ្នាក់ដឹកនាំយោធភូមិភាគ ឯកឧត្តម នាយឧត្តមសេនីយ៍បានរំលឹកពីការយកចិត្តទុកដាក់ខ្ពស់ជាប្រចាំ របស់សម្តេចធិបតី ចំពោះយោធិនទាំងអស់ទូទាំងយោធភូមិភាគទី៣ និងការផ្តាំផ្ញើសួរសុខទុក្ខ ពីសំណាក់សម្តេចផងដែរ។
ជួសមុខឲ្យនាយទាហាន នាយទាហានរងពលទាហាន នៃយោធភូមិភាគទី៣ ឯកឧត្តមមេបញ្ជាការ យោធភូមិភាគ បានសម្តែងនូវសេចក្តីរីករាយជាខ្លាំង ហើយប្តេជ្ញាអនុវត្តភារកិច្ចឲ្យបានល្អ ការពារ និងគាំទ្រការដឹកនាំរបស់សម្តេចមហាបវរធិបតី ហ៊ុន ម៉ាណែត ជារៀងរហូត ៕
