រដ្ឋបាលខេត្តតាកែវ ចាប់ផ្តេីមធ្វេីតេស្តរកសារធាតុញៀនថ្នាក់ដឹកនាំ មន្រ្តីរាជការ និងមន្រ្តីកិច្ចសន្យានៃរដ្ឋបាលខេត្ត
ភ្នំពេញ៖ នៅរសៀលថ្ងៃចន្ទ ទី១១ ខែមីនា ឆ្នាំ២០២៤ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ បានដឹកនាំលោក លោកស្រី ជាអភិបាលរងខេត្ត មន្រ្តីរាជការ និងមន្រ្តីកិច្ចសន្យានៃរដ្ឋបាលខេត្តតាកែវ ប្រមាណជិត២០០នាក់ ធ្វើតេស្តរកសារធាតុញៀន។
ក្នុងឱកាសនោះដែរ ឯកឧត្តម អ៊ូច ភា អភិបាលខេត្ត មានប្រសាសន៍ថា ការធ្វើតេស្តរកសារធាតុញៀនដែលអនុវត្តទៅលើមន្រ្តីរាជការនាពេលនេះ គឺជាការអនុវត្តស្របតាមបទបញ្ជាលេខ០១ប.ប ស្តីពីការដាក់ចេញវិធានការម៉ឺុងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមបណ្តាក្រសួងស្ថាប័ន និងរដ្ឋបាលថ្នាក់ក្រោមជាតិ ហើយក្នុងនាមរដ្ឋបាលខេត្ត សូមលោក លោកស្រីប្រធានមន្ទីរអង្គភាពជុំវិញខេត្ត លោកអភិបាលក្រុងស្រុក បន្តអនុវត្តឱ្យបានម៉ឺងម៉ាត់ចំពោះមន្រ្តីរាជការក្រោមឪវាទរបស់ខ្លួន ដោយគ្មានការយោគយល់ណាមួយឡើយ ប្រសិនបើរកឃើញថា មានសារធាតុញៀនក្នុងខ្លួន នឹងលុបឈ្មោះចេញពីក្របខ័ណ្ឌមន្រ្តីរាជការស៊ីវិលតែម្តង ៕
