លោកជំទាវ ពុំ ចន្ទីនី បន្តចុះផ្សព្វផ្សាយស្តីពី រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ
ភ្នំពេញ៖ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងសហការី នាថ្ងៃទី១៥ ខែមីនា ឆ្នាំ២០២៤ បានបន្តចុះផ្សព្វផ្សាយស្តីពី “រួមគ្នាជាមួយកាកបាទក្រហមកម្ពុជាដើម្បីសហគមន៍មានសុខភាពល្អ និងមានភាពធន់នឹងអាកាសធាតុ” ឈានឆ្ពោះអបអរខួប ១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ នៅសាកលវិទ្យាល័យភូមិន្ទភ្នំពេញ (សាល CJCC) ដែលមានការអញ្ជើញចូលរួមពី ឯកឧត្តមសាស្រ្តាចារ្យបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និងសាកលវិទ្យាធិការរង សាស្រ្តាចារ្យ និងនិស្សិត សរុបចំនួន ២៥០នាក់។
បន្ទាប់ពីការធ្វើបទបង្ហាញគ្រូឧទ្ទេសទីស្នាក់ការកណ្តាលកាកបាទក្រហមកម្ពុជា និងមានការចូលរួមយ៉ាងផុសផុលនៃនិស្សិតទាំងអស់ បានសរបញ្ជាកឱ្យឃើញថាពិធីផ្សព្វផ្សាយនេះពិតជាមានសារសំខាន់ណាស់ ដើម្បីខ្លួនឯកនិងសហគមន៍មានសុខភាពល្អ និងមានភាពធន់នឹងអាកាសធាតុ។
ជាមួយគ្នានេះ ឯកឧត្តមសាស្រ្តាចារ្យបណ្ឌិត ជេត ជាលី បានថ្លែងអំណរគុណលោកជំទាវអគ្គលេខាធិការ និងសហការី ដែលបានចុះមកផ្សព្វផ្សាយនូវប្រធានបទដ៏មានសារសំខាន់ដើម្បីឱ្យយើងទាំងអស់មានសុខភាពល្អនិងមានភាពសុំាទៅនឹងអាកាសធាតុ។
ឯកឧត្តមសាស្រ្តាចារ្យបណ្ឌិត បានបន្ថែមថា “និស្សិតបន្ទាប់ពីទទួលសញ្ញាប័ត្រពីសាកលវិទ្យាល័យដែលបានផ្តល់ជូន ត្រូវមានឥរិយាបទ២សំខាន់ៗទៀតគឺ ភាពអត់ធ្មត់ និងឱ្យចេះក្រែងចិត្តអ្នកដទៃ ព្រោះភាពអត់ធ្មត់កក្តាដ៏សំខាន់ដើម្បីជោគជ័យគ្រប់ភារកិច្ច និងភាពក្រែងចិត្តអ្នកដទៃនេះគឺពេលយើងធ្វើនូវទង្វើអ្វីមួយឬបំពេញភារកិច្ចអ្វីតើវាប៉ះពាល់ដល់អ្នកដទៃដែរឬទេ ហើយទង្វើទាំងនោះហើយដែលផ្តល់តម្លៃឱ្យខ្លួនឯង”។
ជាកិច្ចបន្តលោកជំទាវអគ្គលេខាធិការ បាននាំព្រះរាជបន្ទូល ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងជាព្រះប្រធានកិត្តិយសកាកបាទក្រហមកម្ពុជា និងប្រសាសន៍ផ្តាំផ្ញើសួរសុខទុក្ខរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សជនឆ្នើមថ្នាក់ជាតិវេទិកាភាពជាអ្នកដឹកនាំតំបន់អាស៊ីប៉ាស៊ីហ្វិក ឆ្លើយតបមេរោគអេដស៍ជំងឺអេដស៍និងការអភិវឌ្ឍនៅកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ បើទោះបីលោកទាំងទ្វេរមិនបានយាងនិងអញ្ជើញមកដោយផ្ទាល់ក៏ដោយក៏ជានិច្ចកាលព្រះរាជហរទ័យនិងទឹកចិត្តមនោសញ្ចេតនានៅជាប់ជាមួយ ឯកឧត្តម លោកជំទាវ លោក លោកស្រី សាស្ត្រាចារ្យ លោកគ្រូ អ្នកគ្រូ និងយុវជន និស្សិតទាំងអស់ នៃសាកលវិទ្យាល័យភូមិន្ទភ្នំពេញជាតិស្រឡាញ់ជានិច្ច។ ជួសមុខឱ្យថ្នាក់ដឹកនាំកាកបាទ្រហមកម្ពុជា លោកជំទាវបានថ្លែងអំណរគុណយ៉ាងជ្រាលជ្រៅចំពោះ សាកលវិទ្យាធិការ និងថ្នាក់ដឹកនាំទាំងអស់នៃសាលកលវិទ្យាល័យភូមិន្ទភ្នំពេញ ជាពិសេសឯកឧត្តមសាស្រ្តាចារ្យបណ្ឌិតសាកលវិទ្យាធិការ និងជាប្រធានកិត្តិយសក្លិបយុវជនកាកបាទក្រហមកម្ពុចានៃសាកលវិទ្យាល័យភូមិន្ទភ្នំពេញដែលបានសម្របសម្រួលគ្រប់លទ្ធភាពឱ្យក្មួយៗយុវជនដែលជាអនាគតនិងគ្រប់ពេជ្រដ៏ចែងចាំង និងជាមូលធនមនុស្សប្រកបដោយសក្តានុពលរបស់ប្រទេសជាតិបានចូលរួមសកម្មភាពមនុស្សធម៌ឧដ្តុងឧត្តមលើសពីនេះទៅទៀតរៀងរាល់ទិវា៨ឧសភា សាលកលវិទ្យាល័យតែងតែឧបត្ថម្ភគាំទ្រជាថវិកាចំនួន១០លើក ចាប់តាំង២ឆ្នាំ២០១២មកដល់ឆ្នាំ២០២៣កន្លងទៅនេះ ជាពិសេសទៅទៀតសូមកោតសរសើរអស់ពីចិត្តពីថ្លើមដែលសាលកលវិទ្យាល័យតែងរៀបចំពិធីសប្បុរសធម៌ដើម្បីប្រមូលមូលនិធិសប្បុរសជននិងនិស្សិតសម្រាប់ឧបត្ថម្ភជូនសាស្ត្រាចារ្យនិងនិស្សិតក្រីក្រដែលត្រូវការឱ្យជួយនិងគាំទ្រដល់ការងារសង្គនិងសហគមន៍ងាយគ្រោះនៅសាលាថែមទៀតផង និងសូមថ្លែងអំណរគុណសម្រាប់ការចូលរួមនៅថ្ងៃនេះដែលជាការលើកកម្ពស់ឆន្ទៈមនុស្សធម៌ដ៏ថ្លៃថ្លារបស់សាកលវិទ្យាល័យ ហើយសង្ឃឹមថាក្មួយៗនឹងទទួលយកទៅអនុវត្តដើម្បីធានាធ្វើយ៉ាណាឱ្យខ្លួនយើងមានសុខភាពល្អជួយអប់រំផ្សព្វផ្សាយបន្តដល់មិត្តភ័ក្របងប្អូននៅក្នុងសហគមន៍ និងនៅក្នុងក្រុមគ្រួសារបានយល់ដឹងដូចគ្នាបានជាប្រយោជន៍សម្រាប់ខ្លួនឯងផង សម្រាប់គ្រួសារផង និងរួមគ្នាជាសហគមន៍ដែលមានសុខភាពល្អ អាចទប់ទល់ទៅនឹងការប្រែប្រួលអាកាសធាតុ។
ទន្ទឹមនឹងនេះលោកជំទាវអគ្គលេខាធិការ សូមអំពាវនាវដល់ឯកឧត្តមសាស្រ្តាចារ្យបណ្ឌិត កលវិទ្យាធិការ សាកលវិទ្យាធិការរង សាស្រ្តាចារ្យ និងគ្រូបង្គោល មេត្តារៀនចំក្រុមដើម្បីចុះផ្សព្វផ្សាយសារទាំងនេះជូននិស្សិតជាង៣ម៉ឺននាក់នៃសាកលវិទ្យាល័យភូមិន្ទភ្នំពេញទាំងអស់។ លោកជំទាវអគ្គលេខាធិការ បានបន្ថែមទៀតថា ជំងឺមិនឆ្លងធំៗមាន ជំងឺមហារីក, ជំងឺទឹកនោមផ្អែម, ជំងឺរលាកផ្លូវដង្ហើមរ៉ាំរ៉ៃ និងជំងឺបេះដូងសរសៃឈាម ជាង៨០%យើងអាចការពារបាន ដូចពាក្យចាស់ពោលថា “ស្រឡាញ់ខ្លួន ឱ្យស្ងួនចំណី”។
ឆ្លៀតក្នុងឱកាសនេះ លោកជំទាវអគ្គលេខាធិការ សូមបួងសួងវត្ថុស័ក្កិក្នុងលោក ជួយថែរក្សា និងសូមបានប្រកបដោយពុទ្ធពរទាំង៥ប្រការ គឺ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ៕
