អនុប្រធានក្រុមការងារគណបក្សប្រជាជនចុះជួយស្រុកបរសេដ្ឋ អញ្ជើញប្រកាសសមាសភាពក្រុមការងារ គណបក្សចុះមូលដ្ឋានឃុំស្វាយរំពារ

ភ្នំពេញ៖ នៅថ្ងៃទី១៦ ខែមីនា ឆ្នាំ២០២៤ នៅទីស្នាក់ការគណបក្សប្រជាជនកម្ពុជាឃុំស្វាយរំពារ មានការរៀបចំពិធីប្រកាសសមាសភាពក្រុមការងារគណបក្សចុះមូលដ្ឋានឃុំ ក្រោមអធិបតីភាពឯកឧត្តម សត្យា វុធ អនុប្រធានក្រុមការងារគណបក្សប្រជាជនកម្ពុជាចុះជួយស្រុកបរសេដ្ឋ ។

អញ្ជើញចូលរួមក្នុងពិធីនេះរួមមាន ឯកឧត្តម លោក លោកស្រី នាងកញ្ញាជា ប្រធាន អនុប្រធាន សមាជិកក្រុមការងារចុះ មូលដ្ឋានឃុំ អចិន្ត្រៃយ៍បក្សស្រុក អចិន្ត្រៃយ៍បក្សឃុំ និងសាខា បក្សភូមិទាំង១៤នៃឃុំស្វាយរំពារ សរុបជាង១០០នាក់។

ពិធីនេះបានប្រព្រឹត្តទៅតាមរបៀបវារៈដូចខាងក្រោម៖
១) មតិស្វាគមន៍និងរបាយការណ៍របស់លោក កេត ជុន ប្រធានគណបក្សឃុំ
២) ការអានសេចក្តីសម្រេចស្តីពីការកែសម្រួលនិងចាត់តាំងក្រុមការងារចុះមូលដ្ឋានឃុំស្វាយរំពារ ដោយលោក ងួន សុផាត សមាជិកអចិន្ត្រៃយ៍បក្សស្រុក
៣) ការប្រគល់សេចក្តីសម្រេចជូនឯកឧត្តម ជា ប៉ោ ប្រធានក្រុមការងារចុះមូលដ្ឋានឃុំស្វាយរំពារ ដោយឯកឧត្តម សត្យា វុធ
៤) មតិចាប់អារម្មណ៍និងការប្តេជ្ញាចិត្តរបស់ឯកឧត្តម ជា ប៉ោ
៥) មតិណែនាំរបស់ឯកឧត្តម សត្យា វុធ អនុប្រធានក្រុមការងារគណបក្សចុះជួយស្រុកបរសេដ្ឋ ៕