ឧត្តមសេនីយ៍ត្រី អ៊ុំ សុភា នាំយកអំណោយដ៏ថ្លៃថ្លារបស់សម្តេចធិបតី ឧបត្ថម្ភដល់ពលរដ្ឋក្រីក្រជួបការលំបាក ក្នុងក្រុងកំពង់ឆ្នាំង

ភ្នំពេញ៖ ឯកឧត្តម ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត នៅទី២១ ខែមីនា ឆ្នាំ២០២៤ បាននាំយកអង្ករចំនួន១២៥គីឡូក្រាម មី០៦៥កេះ ត្រីខ០៥យួរ ទឹកត្រី ០៥យួរ ទឹកស៊ីអ៉ីវ ០៥យួរ មុង០៥ រួមនឹងថវិកាមួយចំនួន ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ឧបត្ថម្ភដល់ប្រជាពលរដ្ឋជាស្រ្តីមេម៉ាយ ប្តីជាប់ពន្ធនាគារ ចាស់ជរាមានជំងឺប្រចាំកាយ ក្រីក្រជួបការលំបាកជីវភាព ចំនួន០៥នាក់ នៅក្នុងសង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។

ស្ថិតក្នុងឱកាសនេះ ឯកឧត្តម មេបញ្ជាការ បានពាំនាំប្រសាសន៍ផ្តាំផ្ញើសួរសុខទុក្ខពីសំណាក់ សម្តេចធិបតី នាយករដ្ឋមន្ត្រី និងលោកជំទាវបណ្ឌិត ចំពោះបងប្អូនប្រជាពលរដ្ឋទាំង០៥គ្រួសារ ។ ឯកឧត្តម មេបញ្ជាការ បានបញ្ជាក់ថា សម្តេចធិបតី និងលោកជំទាវ តែងតែគិតគូរពីសុខទុក្ខរបស់បងប្អូនប្រជាពលរដ្ឋគ្រប់ទីកន្លែងទាំងអស់ ក្នុងនោះ សម្តេចធិបតី តែងតែឧបត្ថម្ភសម្ភារ គ្រឿងឧបភោគបរិភោគ ជាប់ជាប្រចាំ ។

ជាចុងក្រោយ ប្រជាពលរដ្ឋ ទាំង០៥គ្រួសារ បានគោរពថ្លែងអំណរគុណយ៉ាងជ្រាលជ្រៅជូនចំពោះ សម្តេចមហាបវរធិបតី ហ៊ុន ម៉ាណែត និងលោកជំទាវ ព្រមទាំង ឯកឧត្តម មេបញ្ជាការ តំបន់ប្រតិបត្តិការសឹករងខេត្ត ដែលបានយកចិត្ដទុកដាក់គិតគូរអំពីសុខទុក្ខរបស់ពួកគាត់ ដែលជួបការលំបាក និងសូមគោរពជូនពរ សម្តេច ឯកឧត្តម លោកជំទាវ និងក្រុមការងារ សូមមានសុខភាពល្អ ប្រកបបាននូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕