ឯកឧត្តម កែ គឹមយ៉ាន និងលោកជំទាវ អញ្ជេីញចូលរួមពិធីសូត្រមន្តសម្ពោធសាលប្រជុំថ្មី និងពិសារអាហារសាមគ្គីអបអរសាទរពិធីបុណ្យចូលឆ្នាំថ្មី
ភ្នំពេញ៖ នារសៀលថ្ងៃទី៧ ខែមេសា ឆ្នាំ២០២៤ ឯកឧត្តម កែ គឹមយ៉ាន តំណាងរាស្ត្រមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ម៉ៅ ម៉ាល័យ កែ គឹមយ៉ាន អមដោយក្រុមការងារ និងអាជ្ញាធរមូលដ្ឋាន បានអញ្ជេីញចូលរូមក្នុងពិធីសូត្រមន្តសម្ពោធសាលប្រជុំថ្មីស្ថិតនៅជេីងភ្នំស្វាយ ភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
នៅល្ងាចថ្ងៃដដែលនោះ ឯកឧត្តម កែ គឹមយ៉ាន ក៏បានចូលរួមពិសារអាហារសាមគ្គីជាមួយមន្ត្រីរាជការ កងកម្លាំង និងយុវជនក្នុងខេត្តបន្ទាយមានជ័យ ប្រមាណ ១០០០នាក់ ដេីម្បីអបអរសាទរពិធីបុណ្យចូលឆ្នាំថ្មី ឆ្នាំរោង ឆស័ក ព.ស.២៥៦៧ យ៉ាងស្និទ្ធស្នាល និងនាំក្តីនឹករលឹកពីថ្នាក់ដឹកនាំកំពូលៗរបស់ជាតិពិសេសសម្តេចតេជោ ប្រធានព្រឹទ្ធសភា ប្រមុខរដ្ឋស្តីទី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជូនចំពោះបងប្អូនយើងទាំងអស់គ្នា និងសូមអំពាវនាវឱ្យបងប្អូនទាំងអស់ ពិសេសមហាគ្រួសារអ្នកបន្ទាយមានជ័យ សូមបន្តមានសាមគ្គីភាព ឯកភាព ចូលរួមជាមួយរាជរដ្ឋាភិបាលដឹកនាំដោយ សម្តេចធិបតី ហ៊ុន ម៉ាណែត ថែរក្សាសន្តិភាព ដើម្បីបន្តការរីកចម្រើនរបស់យើងទៅមុខបានកាន់តែឆាប់រហ័សថែមទៀត។
សូមបញ្ជាក់ថា ក្នុងកម្មវិធីទាំងពីរខាងលើ ឯកឧត្តម កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន បានថ្វាយគ្រឿងសក្ការៈបូជាមានដូចជា ទៀន ធូប ផ្កាភ្ញី របាំត្រុដ ដើម្បីបួងសួងដល់ទេវតាឆ្នាំថ្មីព្រះនាម «មហោទរាទេវី» ជាបុត្រីទី៧ កបិលមហាព្រហ្ម ដែលនឹងយាងចុះមកថែរក្សាមនុស្សលោកនៅថ្ងៃសៅរ៍ ៥កើត ខែចេត្រ ត្រូវនឹងថ្ងៃទី១៣ ខែមេសា ឆ្នាំ២០២៤ ខាងមុខ សូមជួយបីបាច់ថែរក្សាប្រជាពលរដ្ឋយើងទាំងអស់ឱ្យជួបតែសុខសប្បាយ សំណាងល្អ គ្រប់ៗគ្នាតរៀងទៅ ៕
