ឯកឧត្តមសន្តិបណ្ឌិត គៀត ច័ន្ទថារិទ្ធ ដឹកនាំកិច្ចប្រជុំក្រុមការងារអន្តរក្រសួង ដើម្បីសិក្សារៀបវចំបង្កើត និងដំឡើងកម្រិតច្រកទ្វារព្រំដែនគោកកម្ពុជា-វៀតណាម
ភ្នំពេញ៖ នៅព្រឹកថ្ងៃចន្ទ ទី០៨ ខែមេសា ឆ្នាំ២០២៤ ឯកឧត្តមសន្តិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ និងជាប្រធានក្រុមការងារអន្តរក្រសួង បានដឹកនាំកិច្ចប្រជុំក្រុមការងារអន្តរក្រសួង ដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោកកម្ពុជា-វៀតណាម ដោយកិច្ចប្រជុំនេះធ្វើឡើង ដើម្បីប្រកាសនូវសមាសភាព និងតួនាទីភារកិច្ចនៃក្រុមការងារអន្តរក្រសួង ដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោកកម្ពុជា – វៀតណាម និងពិនិត្យលទ្ធផលការងារដែលក្រុមការងារបានអនុវត្តនាពេលកន្លងទៅ។
កិច្ចប្រជុំនេះមានការអញ្ជើញចូលរួមដោយឯកឧត្តម លោក លោកស្រី ដែលជាសមាជិក សមាជិកា នៃក្រុមការងារអន្តរក្រសួង ជាច្រើនរូបទៀតផងដែរ។
សូមជម្រាបជូនដែរថា ក្រុមការងារអន្តរក្រសួង ដើម្បីសិក្សា រៀបវចំបង្កើត និងដំឡើងកម្រិតច្រកទ្វារព្រំដែនគោកកម្ពុជា – វៀតណាម ត្រូវបានបង្កើតឡើងដោយសេចក្តីសម្រេចលេខ ៣២ សសរ ចុះថ្ងៃទី០៦ ខែកុម្ភៈ ឆ្នាំ២០២៤ របស់រាជរដ្ឋាភិបាល។ ការបង្កើតឱ្យមានក្រុមការងារអន្តរក្រសួងនេះដែរគឺ ដើម្បីសហការជាមួយក្រុមការងារចម្រុះស្តីពីច្រកទ្វារព្រំដែនគោកវៀតណាម កម្ពុជា ក្នុងការចុះសិក្សាស្ថានភាពច្រកទ្វារព្រំដែន និងរួមគ្នាសិក្សារៀបចំផែកការមេស្តីពីការបង្កើត និងតម្លើងកម្រិតច្រកទ្វារព្រំដែនគោកកម្ពុជា វៀតណាម៕
