សហរដ្ឋអាមេរិកជួយអ៊ីស្រាអែលបាញ់ទម្លាក់យន្តហោះគ្មានមនុស្សបើកវាយប្រហារដោយអ៊ីរ៉ង់ស្ទើរតែទាំងអស់
វ៉ាស៊ីនតោន៖ ប្រធានាធិបតីសហរដ្ឋអាមេរិក លោក Joe Biden បានសរសើរកងកម្លាំងអាមេរិក ដែលបានជួយអ៊ីស្រាអែលទម្លាក់ស្ទើរតែទាំងអស់ នៃយន្តហោះគ្មានមនុស្សបើក និងកាំជ្រួចដែលត្រូវបានបាញ់ដោយអ៊ីរ៉ង់ ហើយបានប្តេជ្ញាថានឹងសម្របសម្រួលការឆ្លើយតបជាសកលចំពោះការវាយប្រហារដែលមិនធ្លាប់មានពីមុនមករបស់ទីក្រុងតេអេរ៉ង់។
មន្ទីរបញ្ចកោណបានឲ្យដឹងថា កងកម្លាំងសហរដ្ឋអាមេរិកបានស្ទាក់ចាប់កាំជ្រួចរាប់សិប និងយន្តហោះគ្មានមនុស្សបើកដែលបាញ់ចេញពីប្រទេសអ៊ីរ៉ង់ អ៊ីរ៉ាក់ ស៊ីរី និងយេម៉ែន ដែលឆ្ពោះទៅកាន់ប្រទេសអ៊ីស្រាអែល។
ជាមួយនឹងភាពតានតឹងក្នុងតំបន់ក្នុងកម្រិតខ្ពស់បំផុតចាប់តាំងពីសង្គ្រាមអ៊ីស្រាអែល-ហាម៉ាសបានចាប់ផ្តើមកាលពីប្រាំមួយខែមុន លោក Joe Biden បានសន្យាកាលពីថ្ងៃសៅរ៍ថា ការគាំទ្ររបស់អាមេរិកសម្រាប់ការការពាររបស់អ៊ីស្រាអែលប្រឆាំងនឹងការវាយប្រហារដោយអ៊ីរ៉ង់ និងភ្នាក់ងាររបស់ខ្លួនគឺដែក។ ការវាយប្រហារនេះគឺជាលើកទីមួយហើយ ដែលអ៊ីរ៉ង់បើកការវាយប្រហារយោធាដោយផ្ទាល់ទៅលើអ៊ីស្រាអែល ដោយប្រថុយនឹងជម្លោះក្នុងតំបន់កាន់តែទូលំទូលាយ។
