ឯកឧត្តម កែ គឹមយ៉ាន អញ្ជីញបង្សុកូលនៅវត្តលលកសចាស់ ដើម្បីឧទ្ទិសជូនដល់វិញ្ញាណក្ខន្ធបុព្វបុរស អ្នកមានគុណ និងញ្ញាតមិត្ត

ភ្នំពេញ៖ នាថ្ងៃទី១៦ ខែមេសា ឆ្នាំ២០២៤ ដែលជាថ្ងៃទី៤ វារៈឡើងស័ក នៃពិធីបុណ្យចូលឆ្នាំថ្មី ប្រពៃណីជាតិ ឯកឧត្តម កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន អមដំណើរដោយ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងឯកឧត្តម ម៉ក់ រ៉ា ប្រធានក្រុមប្រឹក្សាខេត្ត បានអញ្ជីញទៅបង្សុកូល នៅវត្តលលកសចាស់ ក្រុងពោធិ៍សាត់ ខេត្តពោធិ៍សាត់ ដើម្បីឧទ្ទិសមហាកុសល ផលបុណ្យ ជូនដល់វិញ្ញាណក្ខន្ធ បុព្វបុរស អ្នកមានគុណ និងញ្ញាតមិត្តដែលបានចែកឋានទៅក្នុងឋានបរមលោក ព្រមទាំងបានថ្វាយប្រគេនទេយ្យទាន ទេយ្យវត្ថុ និងបច្ច័យ ជូនដល់ព្រះសង្ឈ ដូនជី និងតាជី ដែលបានគង់នៅវត្តលលកចាស់ និងប្រជាពលរដ្ឋមួយចំនួន។

បន្ទាប់មក ឯកឧត្តម កែ គឹមយ៉ាន និងលោកជំទាវ រួមនឹងក្រុមការងារ ក៏បានអញ្ជើញទៅបូជនីយដ្ឋានប្រវត្តិសាស្ត្រ លោកឧកញ៉ា ឃ្លាំង មឿង និងលោកជំទាវ ខាន់ ខៀវ ដែលមានចម្ងាយប្រមាណ៥គីឡូម៉ែត្រ ពីទីរួមខេត្តពោធិ៍សាត់ ដើម្បីរៀបចំថ្វាយទាន ធូប កម្រងផ្កា និងគ្រឿងរណ្តាប់បូជា អុជ ទៀន ធូប បួងសួង ដល់លោកឧកញ៉ា ឃ្លាំង មឿង និងលោកជំទាវ ខាន់ ខៀវ នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស.២៥៦៨ នេះ សូមឲ្យប្រមុខថ្នាក់ដឹកនាំ ស្ថាប័នជាតិ មន្រ្តីរាជការ កងម្លាំងប្រដាប់អាវុធគ្រប់ប្រភេទ និងជនរួមជាតិទាំងអស់ សូមឲ្យមានសុខភាពល្អ និងបន្តជោគជ័យគ្រប់ភារកិច្ច និងសូមឲ្យប្រជាជាតិខ្មែរជួបតែសុខសន្តិភាព និងការអភិវឌ្ឍន៍ជានិច្ច ៕