ឯកឧត្តមសន្តិបណ្ឌិត ម៉ៅ ច័ន្ទតារា ដឹកនាំកិច្ចប្រជុំ ប្រកាសសមាសភាពគណៈកម្មការ និងអនុគណៈកម្មការរៀបចំទិវារំលឹកខួបអនុស្សាវរីយ៍លើកទី៧៩ ថ្ងៃកំណើតកងកម្លាំងនគរបាលជាតិកម្ពុជា

ភ្នំពេញ៖ នៅរសៀលថ្ងៃពុធ ទី១៧ ខែមីនា ឆ្នាំ ២០២៤ ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋមន្រ្តីស្តីទី ក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងកិច្ចប្រជុំប្រកាសសមាសភាពគណៈកម្មការ និងអនុគណៈកម្មការរៀបចំទិវារំលឹកខួបអនុស្សាវរីយ៍លើកទី៧៩ ថ្ងៃកំណើតកងកម្លាំងនគរបាលជាតិកម្ពុជា នាទីស្តីការក្រសួង។

ក្នុងកិច្ចប្រជុំប្រកាសសមាសភាពគណៈកម្មការនេះ មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង ប្រធាននាយកដ្ឋាននិងតំណាងអង្គភាពនានាចំណុះក្រសួងមហាផ្ទៃ។

កិច្ចប្រជុំប្រកាសសមាសភាពគណៈកម្មការ និងអនុគណៈកម្មការរៀបចំទិវារំលឹកខួបអនុស្សាវរីយ៍លើកទី៧៩ ថ្ងៃកំណើតកងកម្លាំងនគរបាលជាតិកម្ពុជានេះ គឺធ្វើដើម្បីរៀបចំនូវរចនាសម្ព័ន្ធ និងតួនាទីភារកិច្ចឱ្យអនុវត្តដូចខាងក្រោម៖
-សហការនិងសម្របសម្រួលជាមួយក្រសួង ស្ថាប័នដែលពាក់ព័ន្ធទៅនឹងការរៀបចំពិធីអបអរសាទរខួបលើកទី៧៩ ថ្ងៃកំណើតកងកម្លាំងនគរបាលជាតិ
-រៀបចំកិច្ចប្រជុំដើម្បីត្រួតពិនិត្យអំពីវឌ្ឍនភាពការងាររបស់គណៈកម្មការ និងធ្វើរបាយការណ៍គោរពជូន ឯកឧត្តមអភិសន្តិបណ្ឌិត ឧបនាយករដ្ឋមន្រី្ត
រដ្ឋមន្រី្តក្រសួងមហាផ្ទៃ
-ចងក្រងអំពីប្រវត្តិរបស់ថ្នាក់ដឹកនាំនគរបាលជាតិ
-ចងក្រង វាយតម្លៃ ស្នាដៃនិងសមិទ្ធផល ឆ្នាំ២០២៣របស់នគរបាលជាតិ
-អនុវត្តការងារផ្សេងៗទៀតដែលប្រធានគណៈកម្មការប្រគល់ជូន៕