សមាគមក្រុមការងារ ១០០រាត្រី និងសមាគមនិស្សិតសន្តិភាពដើម្បីលទ្ឋិប្រជាធិបតេយ្យ ដឹកនាំយុវជននិស្សិតចុះជួយតទឹក និងធ្វើស្ពានជូនពលរដ្ឋក្រោមជំនួយរបស់សម្តេចតេជោ និងសម្តេច ធិបតី

ភ្នំពេញ៖ នាថ្ងៃទី១៩ ខែមេសា ឆ្នាំ២០២៤ សមាគមក្រុមការងារ១០០រាត្រី និងសមាគមនិស្សិតសន្តិភាពដើម្បីលទ្ឋិប្រជាធិបតេយ្យ បានដឹកនាំយុវជននិស្សិតចុះជួយតទឹក និងធ្វើស្ពានជូនប្រជាពលរដ្ឋក្រោមជំនួយរបស់សម្តេច តេជោ ហ៊ុន សែន និងសម្តេច មហាបវរធិបតី ហ៊ុន ម៉ាណែត។

ក្រោយទទួលបានដំណឹងពីការលំបាក ស្ពានធ្វើដំណើរ និងបញ្ហាតម្លៃទឹកថ្លៃនៅភូមិអាវឡាតាន់ ប្រកបដោយក្តីមេត្តា ករុណា សម្តេចទាំង២បានជួយជំនួយដល់បងប្អូនប្រជាពលរដ្ឋនៅភូមិអាវឡាតាន់អោយទទួលបានទឹក និងស្ពាន​ កាលនេះបានជួយសម្រួលដល់ការរស់នៅរបស់បងប្អូនប្រជាពលរដ្ឋបានយ៉ាងច្រើន។

កន្លងទៅមានចលនាអេឡិចបានចុះទៅ ឃោសនា ញុះញង់បងប្អូនប្រជាពលរដ្ឋអោយស្អប់រាជរដ្ឋាភិបាលដើម្បីប្រយោជន៍បរទេស នៅពេលនេះក្រោយប្រជាពលរដ្ឋយល់ច្បាស់​ ចលនាអេឡិចនេះលែងអាចឈរជើងនៅកោះកុងក្រៅបន្តទៀត ក្រៅពីខិតខំផលិតវិឌីអូបង្អាប់ប្រទេសជាតិខ្លួនឯង។

គ្មាននរណាស្រលាញ់ខ្មែរជាងខ្មែរទេ សមាគមក្រុមការងារ១០០រាត្រី និងសមាគមនិស្សិតសន្តិភាពដើម្បីលទ្ឋិប្រជាធិបតេយ្យ ព្រមទាំងបងប្អូនប្រជាពលរដ្ឋសូមថ្លែងអំណរអរគុណដល់សម្តេច តេជោ ហ៊ុន សែន និងសម្តេច មហាបវរធិបតី ហ៊ុន ម៉ាណែត ដែលបានជួយដល់បងប្អូនប្រជាពលរដ្ឋគ្រប់ទិសទីទោះបីនៅឆ្ងាយយ៉ាងណាក៏ដោយ ៕