រដ្ឋមន្ត្រីពាណិជ្ជកម្មកម្ពុជា អនុញ្ញាតឱ្យឯកអគ្គរដ្ឋទូតអាល្លឺម៉ង់ប្រចាំកម្ពុជា និងគណៈប្រតិភូធុរកិច្ចអាល្លឺម៉ង់ ចូលជួបសម្ដែងការគួរសម និងពិភាក្សាការងារ

ភ្នំពេញ៖ នារសៀលថ្ងៃព្រហស្បតិ៍ ទី៩ ខែឧសភា ឆ្នាំ២០២៤ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនឯកឧត្ដម Stefan Messerer ឯកអគ្គរដ្ឋទូតសហព័ន្ធអាល្លឺម៉ង់ប្រចាំកម្ពុជា អមដោយលោក Peter Kompalla ប្រធានប្រតិភូឧស្សាហកម្ម និងធុរកិច្ចអាល្លឺម៉ង់ (The German Industry and Commerce – “AHK”), លោកស្រី Quynh Anh Le នាយកប្រតិបត្តសមាគមធុរកិច្ចអាល្លឺម៉ង់ (German Business Association –“GBA”) និង លោក Tassilo BRINZER ប្រធានសភាពាណិជ្ជកម្មអឺរ៉ុបប្រចាំកម្ពុជា (EuroCham) រួមជាមួយប្រតិភូជាតំណាងក្រុមហ៊ុនអាល្លឺម៉ង់ ចំនួន ១៥ក្រុមហ៊ុន ចូលជួបសម្ដែងការគួរសម និងពិភាក្សាអំពីវឌ្ឍនភាព និងកាលានុវត្តភាពនៃកិច្ចសហប្រតិបត្តិការក្នុងវិស័យពាណិជ្ជកម្ម និងវិនិយោគរវាងកម្ពុជា និងអាល្លឺម៉ង់៕