ព្រះមហាក្សត្រ ដំឡើងឋានន្តរស័ក្តិ ដល់នាយទាហានដែលត្រូវចូលនិវត្តន៍២៤រូប និងផ្ទេរ២៤រូបទៅក្រសួងសង្គមកិច្ច
ភ្នំពេញ៖ ព្រះមហាក្សត្រកម្ពុជា ព្រះករុណាព្រះបាទសម្តេច ព្រះបរមនាថ នរោត្តម សីមុនី បានចេញព្រះរាជក្រឹត្យ ដំឡើងឋានន្តរស័ក្តិ ដល់នាយទាហាន ថ្នាក់ឧត្តមសេនីយ៍ និងថ្នាក់វរសេនីយ៍ នៃកងយោធពលខេមរភូមិន្ទ ដែលត្រូវចូលនិវត្តន៍២៤រូប។
ក្នុងនោះ មាន១០រូប ត្រូវបានដំឡើងពីថ្នាក់ឧត្តមសេនីយ៍ត្រី ទៅជាឧត្តមសេនីយ៍ទោ និង ១៤រូបទៀត ត្រូវបានដំឡើងពីវរសេនីយ៍ឯក ទៅជាឧត្តមសេនីយ៍ត្រី។
បើតាមព្រះរាជក្រឹត្យ នៅថ្ងៃទី១១ ខែឧសភា ឆ្នាំ២០២៤ អ្នកទាំង ២៤រូប ក៏ត្រូវបានផ្ទេរទៅក្រសួងសង្គមកិច្ច អតីតយុទ្ធជន និងយុវនីតិសម្បទាផងដែរ៕
