មន្ទីរបរិស្ថានខេត្តត្បូងឃ្មុំ ណែនាំឱ្យបញ្ឈប់សកម្មភាពនេសាទគ្រប់ទម្រង់ ធ្វើការរុះរើរោងស្នាក់នៅ យកទូកនេសាទ គ្រឿងម៉ាស៊ីន ឧបករណ៍នេសាទ និងសម្ភារ:ផ្សេងៗ ចេញពីតំបន់ប្រើប្រាស់ច្រើនយ៉ាងបឹងកាដេរ

ភ្នំពេញ៖ មន្ទីរបរិស្ថានខេត្តត្បូងឃ្មុំ ជូនដំណឹងដល់បងប្អូនប្រជាពលរដ្ឋដែលបានសង់រោងស្នាក់នៅ មានទូកនេសាទ និងឧបករណ៍នេសាទផ្សេងៗ ធ្វើសកម្មភាពក្នុងតំបន់ប្រើប្រាស់ច្រើនយ៉ាងបឹងកាដេរ ជាពិសេសត្រង់ចំណុចបឹងកាដេរ ភូមិបារាយ៍ ឃុំឈូក ស្រុកក្រូចឆ្មា ឲ្យបានជ្រាបថា ការបោះទីតាំងដើម្បី នេសាទបែបអនាធិបតេយ្យក្នុងតំបន់ការពារធម្មជាតិជាអំពើល្មើសច្បាប់ និងត្រូវផ្តន្ទាទោសតាមច្បាប់ស្តីពីតំបន់ការពារធម្មជាតិ ហើយម្យ៉ាងទៀតនាពេលកន្លងមកបងប្អូនក៏ធ្លាប់ទទួលបានការដោះស្រាយគោល នយោបាយពីរដ្ឋបាលស្រុកក្រូចឆ្មារ ដើម្បីបញ្ឈប់សកម្មភាពនេសាទអនាធិបតេយ្យនេះដែរ។ មន្ទីរបរិស្ថានខេត្តត្បូងឃ្មុំ សូមក្រើនរំលឹកដល់បងប្អូនថា ដើម្បីជៀសផុតពីការចោទប្រកាន់តាម ផ្លូវច្បាប់ពីសំណាក់សមត្ថកិច្ចជំនាញ សូមបងប្អូនបញ្ឈប់សកម្មភាពនេសាទអនាធិតេយ្យ ធ្វើការរុះរើ រោងស្នាក់នៅ យកទូកនេសាទ គ្រឿងម៉ាស៊ីន ឧបករណ៍នេសាទ និងសម្ភារ:ផ្សេងៗចេញឲ្យអស់ពីតំបន់បើ ប្រាស់ច្រើនយ៉ាងបឹងកាដេរ ក្នុងរយ:ពេល១៥ថ្ងៃ ចាប់ពីថ្ងៃជូនដំណឹងនេះជាកំហិត ក្រោយឱសានវាទ សមត្ថកិច្ចនឹងអនុវត្តច្បាប់ដោយគ្មានការលើកលែងឡើយ៕